Tiger Nageswara Rao: రవితేజ గారి కామిక్ టైమింగ్ అద్భుతం: గాయత్రి భరద్వాజ్

‘టైగర్ నాగేశ్వరరావు’ ప్రాజెక్ట్ లోకి ఎలా వచ్చారు?

2018 లో మిస్ యునైటెడ్ కాంటినెంట్స్ టైటిల్ గెలిచాను. తర్వాత ఓ ప్రాజెక్ట్ సైన్ చేశాను. కోవిడ్ కారణంగా ఆలస్యమౌతూ వచ్చింది. తర్వాత 'దిన్దొర' (Dhindora) పాటు మరో రెండు వెబ్ సిరీస్ లు చేశాను. ఒకరోజు వంశీ (Vamsi) గారి నుంచి కాల్ వచ్చింది. ‘టైగర్ నాగేశ్వరరావు’ #TigerNageswaraRao గురించి చెప్పారు. నా పోర్షన్ కి సంబంధించి దాదాపు మూడుగంటల నేరేషన్ ఇచ్చారు. నా పాత్ర గురించి చెప్పినప్పుడు కన్నీళ్లు వచ్చేశాయి. చాలా ఎమోషనల్ గా వుండే పోర్షన్ కూడా వుంది. ఎలా అయినా ఈ సినిమా చేయాలని భావించాను. ఈ పాత్ర కోసం దాదాపు అరవైమందిని ఆడిషన్స్ చేశారట. ఈ పాత్రకు నేను యాప్ట్ గా ఉంటానని వంశీ గారు భావించారు. రవితేజ గారి ప్రాజెక్ట్ లో భాగం కావడం చాలా అనందంగా అనిపించింది.

ఇందులో మీ పాత్ర కోసం ఎలా ప్రిపేర్ అయ్యారు ?

ఇందులో నా పాత్ర పేరు మణి. విలేజ్ క్యారెక్టర్ లో టామ్ బాయ్ లాగా కనిపిస్తా. నా పాత్ర చాలా రా, రస్టిక్ అండ్ ఎనర్జిటిక్ గా వుంటుంది. సెట్స్ లోకి వెళ్ళిన తర్వాత డైరెక్టర్ వంశీ గారు విశాల్ భరద్వాజ్ (VishalBharadwaj) డైరెక్ట్ చేసిన ఓ రెండు హిందీ సినిమాలు చూడమని చెప్పారు. ఆ సినిమాలు చూసిన తర్వాత నా పాత్రని ఏ లెవల్ వరకూ తీసుకెళ్ళాలో ఒక అవగాహన వచ్చింది. 70-80 లో జరిగే కథ ఇది. ఇందులో నా ఎప్పిరియన్స్ గురించి మర్చిపోయాను. కేవలం పాత్రపైనే ద్రుష్టిపెట్టాను.

ఇందులో మీరు చేసిన మణి పాత్రకు, మీ రియల్ లైఫ్ పాత్రకు ఎలాంటి తేడాలు ఉంటాయి ?

పూర్తిగా రెండూ భిన్నమైన పాత్రలు. రియల్ లో నేను టామ్ బాయిష్ గా వుండను. అలాగే కొంచెం రిజర్వడ్ గా వుంటాను.

రవితేజ (RaviTeja) గారితో వర్క్ చేయడం ఎలా అనిపించింది?

రవితేజ గారు మాస్ మహారాజా. సెట్స్ లో చాలా హిలేరియస్ అండ్ ఎనర్జిటిక్ గా వుంటారు. అదే సమయంలో చాలా సపోర్టివ్ గా వుంటారు. రవితేజ గారి కామిక్ టైమింగ్ అద్భుతం. రవితేజ లాంటి బిగ్గెస్ట్ స్టార్ తో నటించడం అదృష్టంగా భావిస్తున్నాను. ఆయన చాలా డౌన్ టు ఎర్త్. ఆయన నన్ను భరద్వాజ్ అని పిలుస్తారు. ఆయన థాట్స్ అన్నీ చాలా యంగ్, పాజిటివ్ గా వుంటాయి.

తెలుగుని అర్ధం చేసుకోవడంలో ఎలాంటి సవాళ్ళు ఎదురుకున్నారు?

వంశీ గారు మంచి హిందీ మాట్లాడతారు. అలాగే నాకు తెలుగు కోచ్ కూడా వున్నారు. ప్రతి డైలాగ్ వెనుక వున్న ఎమోషన్, మీనింగ్ సంపూర్ణంగా అర్ధమయ్యేలా చెబుతారు. నాకు తెలుగు చాలా వరకూ అర్ధమైపోతుంది. అలాగే దర్శకుడు వంశీ నటిస్తున్నపుడు ఎమోషన్ పై ఎక్కువగా దృష్టి పెట్టమని చెప్పారు. అలాగే సెట్స్ లో అందరూ చాలా సపోరివ్ట్ గా వుండేవారు. అందరి సపోర్ట్ తో లాంగ్వేజ్ బ్యారియర్ ని సులువుగానే అధిగమించాను.

మీ కుటుంబ నేపధ్యం గురించి ?

మాది ఢిల్లీ. మా నాన్న గారు పైలెట్, అమ్మ సైకాలజిస్ట్. ఎలాంటి సినిమా నేపధ్యం లేని కుటుంబం నుంచి వచ్చాను. అయితే ఇంట్లో చిన్నప్పటినుంచి ప్రతి విషయంలో ప్రోత్సహించేవారు. భరతనాట్యం, క్లాసికల్ సింగింగ్ నేర్చుకున్నాను. కళలకు సంబధించిన ప్రతి విషయంలో సపోర్ట్ చేశారు. నాకు చిన్నప్పటి నుంచి ఫ్యాషన్ వరల్డ్ లో ఫేమస్ అవ్వాలని వుండేది.

ఈ సినిమాకి ముందే స్టువర్ట్ పురం నాగేశ్వరరావు రియల్ స్టొరీ గురించి ఎప్పుడైనా విన్నారా?

వంశీ గారు చెప్పేవరకూ తెలీదు. వంశీ చెప్పిన తర్వాత ఆయనది ఎంత ప్రత్యేకమైన కథో అర్ధమైయింది. దొంగలు గురించి ఎవరూ పెద్దగా మాట్లాడుకోరు. ఐతే నాగేశ్వరరావు గురించి దేశం అంతా మాట్లాడుతుంది. ఆయన ఢిల్లీతో పాటు అనేక నగరాల్లో దొంగతనాలు చేశారు. ఇందులో ఇందిరాగాంధీ గారి ఎపిసోడ్ కూడా వుంది. అది ఏమిటనేది సినిమా చూసినప్పుడు తెలుస్తుంది. ఈ కథ కోసం దర్శకుడు దాదాపు మూడేళ్ళు పాటు రీసెర్చ్ చేశారు.

టైగర్ నాగేశ్వరరావు గురించి ఒక్క మాటలో చెప్పాలంటే ?

టైగర్ నాగేశ్వరరావు అన్ ప్రెడిక్ట్ బుల్, స్ట్రాంగ్, అండ్ డైనమిక్. ఎవరూ ఊహించిన హై ఎనర్జీ, యాక్షన్ సీక్వెన్స్ లు వుంటాయి. ఇప్పటివరకూ చూడని యాక్షన్ సీక్వెన్స్ లు ఇందులో వుంటాయి.

తెలుగు ఇండస్ట్రీ ఎలా అనిపించింది

తెలుగు ఇండస్ట్రీ అద్భుతం. తెలుగు ప్రేక్షకులు సినిమాని ఎంతగానో ప్రేమిస్తారు గౌరవిస్తారు. కళకు చాలా ప్రాధాన్యత, గౌరవం వుంది. రాజమౌళి గారి 'ఆర్ఆర్ఆర్' టీం కు ఆస్కార్ వచ్చినప్పుడు చాలా గర్వపడ్డాను. ఇంతగొప్ప పరిశ్రమ లో భాగం కావడం చాలా ఆనందంగా వుంది.

తెలుగులో మీ ఫేవరేట్ హీరో ?

రామ్ చరణ్ గారు. 'ఆర్ఆర్ఆర్' సినిమాని చాలా ఎంజాయ్ చేశాను.

తెలుగులో కొత్తగా చేస్తున్న ప్రాజెక్ట్స్ ?

ఒక ప్రాజెక్ట్ చేస్తున్నాను. త్వరలోనే మేకర్స్ అనౌన్స్ చేస్తారు.