Vijay: సోషల్ మీడియా ఎంట్రీతోనే సంచలనం

కోలీవుడ్ స్టార్ హీరోల్లో విజయ్ (Vijay) ఒకరు. ఆయనకు యూత్‌లో మంచి ఫ్యాన్ ఫాలోయింగ్ ఉంది. విజయ్ నుంచి సినిమా వస్తుందంటే చాలు అభిమానులందరు ఆసక్తిగా ఎదురు చూస్తుంటారు. ఫేస్‌బుక్, ట్విటర్‌లో ఇప్పటికే విజయ్‌కు అకౌంట్స్ ఉన్నాయి. ఫేస్‌బుక్‌లో 78లక్షల మంది ఫాలోయర్స్ ఉండగా, ట్విటర్‌లో 44లక్షల మంది ఫాలోయర్స్ ఉన్నారు. సోషల్ మీడియాలో విజయ్ అంత చురుకుగా ఉండరు. చాలా తక్కువగా పోస్ట్‌లు పెడుతుంటారు. కొత్త సినిమాలు ప్రకటించినప్పుడు, రిలీజ్ డేట్ సమయంలో మాత్రమే పోస్ట్‌లను షేర్ చేస్తుంటారు.

విజయ్ తాజాగా ఇన్‌స్టాగ్రామ్‌లోకి ఎంట్రీ ఇచ్చారు. లియో (Leo) సినిమాకు సంబంధించిన పోస్ట్ పెట్టారు. కశ్మీర్ లోకేషన్‌లో విజయ్ తీసుకున్న ఫొటోను షేర్ చేశారు. ఇన్‌స్టాగ్రామ్ ఎంట్రీతోనే విజయ్ రికార్డు సృష్టించారు. సోషల్ మీడియాలో అకౌంట్‌ను ఓపెన్ చేసిన రెండు గంటల్లోపే ఆయనను ఫాలో అయ్యే వారి సంఖ్య 13లక్షలకు చేరుకుంది. ఈ సందర్భంగా అనేక మంది సెలబ్రిటీలు ఆయనకు స్వాగతం చెప్పారు. రమ్య పాండియన్, వర్ష బొల్లమ్మ కామెంట్స్ చేశారు. ట్విటర్, ఫేస్‌బుక్ మాదిరిగానే ఇన్‌స్టాగ్రామ్‌ను కూడా విజయ్ కార్యాలయమే నిర్వహిస్తుంది.

విజయ్ చివరగా ‘వారిసు’ (Varisu) లో నటించారు. టాప్ ప్రొడ్యూసర్ దిల్ రాజు ఈ చిత్రాన్ని నిర్మించారు. ఈ మూవీ రూ.300కోట్లకు పైగా గ్రాస్ వసూళ్లను రాబట్టింది. ప్రస్తుతం లోకేశ్ కనకరాజ్ దర్శకత్వంలో ‘లియో’ (Leo)లో నటిస్తున్నారు. సెవెన్ స్క్రీన్స్ స్టూడియోస్ భారీ బడ్జెట్‌తో రూపొందిస్తుంది. ఈ చిత్రం పాన్ ఇండియాగా తెరకెక్కుతుంది. ప్రపంచవ్యాప్తంగా అక్టోబర్ 19న విడుదల కానుంది. సినిమాటిక్ యూనివర్స్ నేపథ్యంలో లియో తెరకెక్కుతుండటంతో సినిమాపై భారీ అంచనాలున్నాయి. అందుకు తగ్గట్టుగానే ఈ మూవీ రూ.400కోట్లకు పైగా ప్రీ రిలీజ్ బిజినెస్ చేసింది.

^^^^^^^^^^^^^^^^^^^^^^^^^^^^^^^^^^^

Janhvi Kapoor: స్టేజ్‌పై డ్యాన్స్.. ట్రోల్ చేస్తున్న నెటిజన్స్..

Dasara: సీన్‌ను తొలగించాలని డిమాండ్.. థియేటర్స్ వద్ద ధర్నా..

Koffee With Karan: భార్యతో కలిసి రావాలంటూ సౌత్ స్టార్ హీరోలకు పిలుపు.. బుక్ చేస్తాడేమో చూసుకోండి..

Web Series: భారత్‌లో ఎక్కువ మంది వీక్షించిన వెబ్ సిరీస్ ఏంటో తెలుసా..?

SSMB29: మహేశ్ సినిమా కోసం రాజమౌళి వర్క్‌షాప్స్

Suriya: ముంబైలో లగ్జరీ ఫ్లాట్ కొనుగోలు చేసిన సూర్య.. ధర వింటే షాకే..