Indian 2: ట్రైన్‌లో ఇంటర్నేషనల్ స్టంట్

యూనివర్సల్ స్టార్ కమల్ హాసన్ (Kamal Haasan) హీరోగా నటించిన సినిమా ‘ఇండియన్’ (Indian). శంకర్ (Shankar) దర్శకత్వం వహించిన ఈ చిత్రం బాక్సాఫీస్ వద్ద సంచలన విజయం సాధించింది. భారీ స్థాయి వసూళ్లను రాబట్టింది. ఈ మూవీకి సీక్వెల్ తెరకెక్కుతున్న సంగతి తెలిసిందే. ఈ ప్రాజెక్టు ‘ఇండియన్ 2’ (Indian 2) టైటిల్‌తో ప్రేక్షకుల ముందుకు రానుంది.

‘ఇండియన్ 2’ షూటింగ్ 2018లోనే మొదలైంది. కానీ, అనేక కారణాల వల్ల ప్రాజెక్టు ఆలస్యం అవుతూ వస్తుంది. గత ఏడాది మళ్లీ పట్టాలెక్కింది. అందరి అంచనాలను మించి భారీ స్థాయిలో ఈ చిత్రం ఉంటుందని తెలుస్తోంది. ఈ మూవీ షూటింగ్ 35 రోజులు మాత్రమే మిగిలి ఉందట. ‘ఇండియన్ 2’ లో భారీ స్థాయి యాక్షన్ సన్నివేశాలు ఉన్నాయని కోలీవుడ్ మీడియా తెలుపుతోంది. ఓ సన్నివేశం ట్రైన్‌లో ఉందట. ఈ సీన్‌ను చిత్రీకరించేందుకు చిత్ర బృందం త్వరలోనే దక్షిణాఫ్రికాకు వెళ్లనుందని రూమర్స్ హల్‌చల్ చేస్తున్నాయి. ఇంటర్నేషనల్ యాక్షన్ కొరియోగ్రఫర్స్ ఈ సన్నివేశారని డిజైన్ చేశారట. ఈ యాక్షన్ స్టంట్‌ను దాదాపుగా 14రోజుల పాటు చిత్రీకరించనున్నారని తెలుస్తోంది. ‘ఇండియన్ 2’ లో మేజర్ హైలైట్ సన్నివేశం ఇదేనట. ఈ మూవీ షూటింగ్ మే 2023 లోపు పూర్తి కానుంది. ఈ ఏడాది చివరలో సినిమాను విడుదల చేయాలనే ఆలోచనలో మేకర్స్ ఉన్నారు. ‘ఇండియన్ 2’ లో సిద్దార్థ్, ప్రియా భవానీ శంకర్, రకుల్ ప్రీత్ సింగ్ తదితరులు కీలక పాత్రలు పోషిస్తున్నారు. శంకర్ చాలా కాలం తర్వాత పొలిటికల్ డ్రామను రూపొందిస్తుండటంతో ఈ సినిమాపై భారీ అంచనాలున్నాయి. రామ్ చరణ్‌ హీరోగా నటిస్తున్న ఓ చిత్రానికి కూడా శంకర్ దర్శకత్వం వహిస్తున్నారు. ఈ మూవీ వర్కింగ్ టైటిల్‌గా ‘ఆర్‌సీ 15’ అని వ్యవహరిస్తున్నారు.

^^^^^^^^^^^^^^^^^^^^^

ఇవి కూడా చదవండి:

Pawan Kalyan: నా రెమ్యునరేషన్ రోజుకు రెండు కోట్లు

Ileana D’Cruz: నిషేధంపై స్పందించిన కోలీవుడ్ నిర్మాతలు

Ram Charan: ‘ఆర్‌సీ15’ కోసం పలు టైటిల్స్ రిజిస్ట్రేషన్ చేయించిన మేకర్స్..!

Ram Charan: మెగా పవర్ స్టార్ హాలీవుడ్ సినిమా!

Jr NTR: ధనుష్, వెట్రిమారన్‌ సినిమాపై తారక్ క్లారిటీ..

Krithi Shetty: స్టార్ హీరో చిత్రం నుంచి కృతిని తప్పించిన డైరెక్టర్.. హీరోయిన్‌‌ ఛాన్స్ ఎవరికంటే..?