Tamil Actor Mohan: రోడ్డు పక్కన శవమై కనిపించాడు!

తమిళ నటుడు మోహన్‌(60) (Artist mohan) అత్యంత దీనస్థితిలో కన్నుమూశారు. దశాబ్దాలుగా తమిళ ప్రేక్షకుల్ని తనదైన శైలి హాస్యంతో అలరించిన ఆయన బుధవారం ఉదయం మధురై జిల్లా తిరుప్పాంగుండ్రం సమీపంలో రోడ్డు పక్కన శవమై కనిపించారు. మృతదేహాన్ని గుర్తించిన స్థానికులు పోలీసులకు సమాచారం అందించడంతో మోహన్‌ బాడీని మధురై ప్రభుత్వ ఆస్పత్రికి తరలించారు. అక్కడ పోస్ట్‌మార్టం పూర్తయ్యాక సలేం జిల్లాలోని మెట్టూరులోని ఇంటికి బాడీని తరలించారు. ఆర్థిక సమస్యలే ఆయన మరణానికి కారణమని, కొన్నాళ్లుగా అవకాశాలు లేకపోవడంతో భిక్షాటన చేసి కుటుంబాన్ని పోషిస్తున్నారని కోలీవుడ్‌ మీడియా చెబుతోంది. కమల్‌ హాసన్‌తో(kamal Haasan) కలిసి ‘అపూర్వ సోదరులు’, (Apoorva Sodarulu) ‘నాన్‌ కడవుల్‌’ (Naan kadavul), ‘అదిశయ మనిదర్ళ్‌’ తదితర చిత్రాల్లో నటించారు మోహన్‌.