Nayanthara: కస్తూరి వ్యాఖ్యలు.. నయన్‌ ఫ్యాన్స్‌ ఫైర్‌
ABN , First Publish Date - 2023-08-12T15:50:15+05:30 IST
సౌత్ ఇండియా లేడీ సూపర్‌స్టార్‌గా ఎదిగిన నయనతార వివాదాలకు దూరంగా ఉంటారు. సినిమా ప్రమోషన్స్‌కు హాజరైతే తన మాటల్ని వక్రీకరిస్తున్నారని ఆమె మీడియా సమావేశాలకు హాజరు కారు. సినిమా ప్రమోషన్స్‌లో పాల్గొనని అగ్రిమెంట్‌ సమయంలో తేల్చి చెప్పేస్తారు. తాజాగా ఆమెపై సీనియర్‌ నటి కస్తూరి మరోసారి కామెంట్స్‌ చేసింది. సౌత్ ఇండియాలో నయనతారను నయనతారను లేడీ సూపర్‌స్టార్‌గా అంగీకరించలేమని కస్తూరి కామెంట్‌ చేసింది
సౌత్ ఇండియా లేడీ సూపర్‌స్టార్‌గా ఎదిగిన నయనతార (Nayanathara) వివాదాలకు దూరంగా ఉంటారు. సినిమా ప్రమోషన్స్‌కు హాజరైతే తన మాటల్ని వక్రీకరిస్తున్నారని ఆమె మీడియా సమావేశాలకు హాజరు కారు. సినిమా ప్రమోషన్స్‌లో పాల్గొనని అగ్రిమెంట్‌ సమయంలో తేల్చి చెప్పేస్తారు. ప్రేమ విఫలం అయిన సమయంలో ఆమె ఎదుర్కొన్న విమర్శలు ప్రమోషన్స్‌కి దూరమని కారణం చెబుతుంటారు నయన్‌! అయినా అప్పుడప్పుడు ఆమె విమర్శలు వస్తూనే ఉన్నాయి. అలాంటివి ఎన్ని ఎదురైనా ఆమె కెరీర్‌ మీదే దృష్టి సారించి సౌత్‌లో తన గ్రాఫ్‌ పెంచుకుంది. పోటీగా ఎంతమంది నటీనటులు ఉన్నా లేడీ సూపర్‌ స్టార్‌ స్థాయికి ఎదిగింది అనే గుర్తింపు సంపాదించుకుంది నయనతార. తాజాగా ఆమెపై సీనియర్‌ నటి కస్తూరి మరోసారి కామెంట్స్‌ చేసింది. సౌత్ ఇండియాలో నయనతారను నయనతారను లేడీ సూపర్‌స్టార్‌గా అంగీకరించలేమని కస్తూరి (kasthuri Comments) కామెంట్‌ చేసింది. కోలీవుడ్‌లో రజనీకాంత్‌ బిగ్గెస్ట్‌ పెద్దస్టార్‌. కమల్‌హాసన్‌, అజిత్‌, విజయ్‌ ఉన్నప్పటికీ రజనీకాంత్‌ స్థానం వేరు’’ అని చెప్పుకొచ్చింది కస్తూరి. నటీమణుల్లో లేడీ సూపర్‌స్టార్‌ ఎవరు అని అడిగితే అలనాటి నటీమణులు కెపి సుందరాంబల్‌, విజయశాంతి పేర్లను ప్రస్తావించింది. (kollywood)
అంతే కాదు నయనతార సరోగసీ ద్వారా బిడ్డలను పొందినప్పుడు కూడా కస్తూరి ఆమెపై కామెంట్స్‌ చేసింది. జనవరి 2022 నుంచి భారతదేశంలో సరోగసీని నిషేధించారని, వైద్యపరంగా ఇది క్షమించరాని నేరమని కసూ ట్వీట్‌ చేశారు. ఈ విషయంలో కస్తూరిపై విమర్శ వచ్చాయి. మరొకరి వ్యక్తిగత జీవితంలోకి ఎందుకు చొరబడుతున్నారని కస్తూరిని పలువురు నెటిజన్లు ట్రోల్‌ చేశారు. అప్పట్లో ఈ విషయం కూడా పెద్ద దుమారమే రేగింది. కస్తూరి తాజా వ్యాఖ్యలనూ నయన్‌ ఫ్యాన్స్‌ ఫైర్‌ అవుతున్నారు. నయన్‌ నటించిన హిందీ చిత్రం ‘జవాన్‌’ విడుదలకు సిద్ధమవుతోంది. అలాగే నయన్‌75 చిత్రంతోపాటు మరో చిత్రంతో బిజీగా ఉంది.