Jailer in OTT : రజనీ హవా ఇప్పుడు ఓటీటీలో...

రజనీకాంత్‌ (rajanikanth) కథానాయకుడిగా నటించిన ‘జైలర్‌’ (jailer)చిత్రం ఎంతగా విజయం సాధించిందో తెలిసిందే! అందులో ‘నువ్వు కావాలయ్యా’ అంటూ తమన్నా చేసిన సందడి, వేసిన స్టెప్పులు సినిమా విడుదలకు ముందు సోషల్‌ మీడియాను ఓ ఊపు ఊపేసింది. సినిమా బ్లాక్‌బస్టర్‌ హిట్‌ సాధించి రజనీ అభిమానులు కాలర్‌ ఎగరేసుకునేలా చేసింది. అంతేకాదు ఓవరాల్‌గా ఈ చిత్రం రూ. 650 కోట్లు వసూళ్లు రాబట్టిందని ట్రేడ్‌ వర్గాలు చెబుతున్నాయి. ఆగస్ట్‌ 10న విడుదలై ఇప్పటికీ థియేటర్స్‌లో హల్‌చల్‌ చేస్తున్న ఈ చిత్రం ఇప్పుడు ఓటీటీలో స్ర్టీమింగ్‌ కానుంది. ఓటీటీ విడుదల కోసం ఎంతగానో ఎదురుచూస్తున్న ప్రేక్షకులకు అమెజాన్‌ ఓటీటీ (Amazon Prime) గుడ్‌ న్యూస్‌ చెప్పింది. ఈ నెల 7 నుంచి అమెజాన్‌ ప్రైమ్‌లో ఈ చిత్రం స్ర్టీమింగ్‌ కానుందని అధికారికంగా ప్రకటించింది. తొలుల ఈ చిత్రం సన్‌నెక్ట్స్‌లో స్ర్టీమింగ్‌ అవుతుందని భావించారు. అయితే తెలుగు, తమిళ, హిందీ, కన్నడ, మలయాళ భాషల్లో జైలర్‌’ అమెజాన్‌ ప్రైమ్‌లో స్ర్టీమింగ్‌ కానున్నట్లు ప్రకటించి రూమర్‌లక్‌ చెక్‌ పెట్టారు. రజనీకాంత్‌ ప్రధాన పాత్ర పోషించిన ఈ చిత్రంలో రమ్యకృష్ణ, మీర్నా మీనన్‌, జయం రవి కీలక పాత్రల్లో నటించారు. శివరాజ్‌కుమార్‌, జాకీ ష్రాఫ్‌, మోహన్‌లాల్‌ ముఖ్య పాత్రల్లో మెరిసి సినిమా సక్సెస్‌లో భాగమయ్యారు. (jailer in OTT)

ఈ చిత్రం సక్సెస్‌ను ఆస్వాదిస్తున్న నిర్మాత కళానిధి మారన్‌ గురువారం హీరో రజనీకాంత్‌ను కలిసి చెక్‌ అందించారు. అలాగే ఆయనకు బీఎమ్‌డబ్ల్యూ ఎక్స్‌7 కారును గిఫ్ట్‌గా ఇచ్చారు. అలాగే దర్శకుడు నెల్సన్‌ దిలీప్‌ కుమార్‌కు కూడా ఆయన బీఎమ్‌డబ్ల్యూ కారును బహుమతిగా ఇచ్చారు.