Vijay Controversy: విజయ్‌, అభిమానులపై విరుచుకుపడుతున్న తమిళ నాయకురాలు!
ABN , First Publish Date - 2023-07-07T14:52:47+05:30 IST
తమిళ హీరో విజయ్‌ హీరోగా లోకేశ్‌ కనకరాజ్‌ దర్శకత్వం వహిస్తున్న చిత్రం ‘లియో’. మాస్‌ యాక్షన్‌ ఎంటర్‌టైనర్‌గా రూపొందుతున్న ఈ చిత్రం నుంచి విజయ్‌ పుట్టినరోజున ‘నా రెడీ’ అంటూ సాగే పాటను విడుదల చేయడం, ఆ పాట వివాదంలో చిక్కుకున్న విషయం తెలిసిందే. అందులో మత్తు పదార్థాల వాడకం, రౌడీయిజాన్ని ఎక్కువగా చూపించారంటూ పలువురు కోర్టుకు వెళ్లారు.
తమిళ హీరో విజయ్‌ (Vijay) హీరోగా లోకేశ్‌ కనకరాజ్‌ దర్శకత్వం వహిస్తున్న చిత్రం ‘లియో’ (Leo). మాస్‌ యాక్షన్‌ ఎంటర్‌టైనర్‌గా రూపొందుతున్న ఈ చిత్రం నుంచి విజయ్‌ పుట్టినరోజున ‘నా రెడీ’ (Naa ready song) అంటూ సాగే పాటను విడుదల చేయడం, ఆ పాట వివాదంలో చిక్కుకున్న విషయం తెలిసిందే. అందులో మత్తు పదార్థాల వాడకం, రౌడీయిజాన్ని ఎక్కువగా చూపించారంటూ పలువురు కోర్టుకు వెళ్లారు. వారిలో ఆల్‌ పీపుల్స్‌ పొలిటికల్‌ పార్టీ నాయకురాలు రాజేశ్వరి ప్రియ (Rajeswari Priya) కూడా ఉన్నారు. ఈ వివాదం బయటికొచ్చినప్పటి నుంచి ఆమె పలుమార్లు మీడియా ముందుకొచ్చి విజయ్‌ని టార్గెట్‌ చేసింది. విజయ్‌ అభిమానులు సోషల్‌ మీడియా వేదికగా రెచ్చగొట్టి బెదిరిస్తున్నారని చెన్నై డీజీపీ కార్యాలయంలో రాజేశ్వరి ప్రియ ఫిర్యాదు చేశారు. విజయ్‌ సినిమాలో వచ్చిన స్మోకింగ్‌ వీడియోపై నిరసన వ్యక్తం చేసినందుకే, స్మోకింగ్‌ వల్ల క్యాన్సర్‌ వస్తుందని పదాలను చిత్ర బృందం ఆ పాటలో పెట్టిందని ఆమె అన్నారు
‘‘నేను చేస్తున్న ఈ పోరాటం వల్ల విజయ్‌ అభిమానులు సోషల్‌ మీడియాలో అసభ్యకరంగా మాట్లాడుతూ నిరంతరం బెదిరిస్తున్నారు. విజయ్‌ సోషల్‌ మీడియా ఐడీని ట్యాగ్‌ చేస్తూ అందరూ నాపై అసభ్య పదజాలంతో కామెంట్లు పెడుతున్నారు. ఇదే తరుణంలో విజయ్‌ కూడా నన్ను బెదిరించాడు. ఓ మహిళను అసభ్యకరంగా మాట్లాడేలా తన అభిమానులను ప్రేరేపించిన విజయ్‌ని పోలీసులు అరెస్టు చేయాలి’’ అని డిమాండ్‌ చేశారు రాజేశ్వరి. సినిమాల్లో ఎంతోమంది సిగరెట్లు తాగుతారు.. మరీ విజయ్‌పైనే ఫిర్యాదు ఎందుకు? అని ప్రశ్నించగా.. గతంలో రజనీకాంత్‌పై కూడా ఇదే విషయంలో ఫిర్యాదు చేశామని ఆమె తెలిపింది.