OTT content: తాజాగా ఓటీటీలో విడుదలైన సినిమాలు, వెబ్‌సిరీస్‌లు ఇవే..

ABN , First Publish Date - 2023-03-10T08:29:32+05:30 IST

కరోనా కారణంగా అన్ని రంగాలు నష్టపోగా ఓటీటీలు మాత్రం లాభపడ్డాయి. లాక్‌డౌన్ కారణంగా ఇంట్లోనే ఖాళీగా ఉంటూ.. బోర్‌గా ఫీల్ అవుతున్న సినీ లవర్స్‌కి ఎంటర్‌టైన్‌మెంట్‌ని అందించాయి.

OTT content: తాజాగా ఓటీటీలో విడుదలైన సినిమాలు, వెబ్‌సిరీస్‌లు ఇవే..

ott

కరోనా కారణంగా అన్ని రంగాలు నష్టపోగా ఓటీటీలు మాత్రం లాభపడ్డాయి. లాక్‌డౌన్ కారణంగా ఇంట్లోనే ఖాళీగా ఉంటూ.. బోర్‌గా ఫీల్ అవుతున్న సినీ లవర్స్‌కి ఎంటర్‌టైన్‌మెంట్‌ని అందించాయి. ప్రతి రోజూ స్పెషల్ కంటెంట్‌తో ముందుకు వస్తూ అదరగొడుతున్నాయి. కాగా మార్చి 9న ఓటీటీలో విడుదలైన వెబ్‌సిరీస్‌లు, సినిమాల గురించి తెలుసుకుందాం..

క్రిస్టోఫర్ (Christopher)

క్రిస్టోఫర్ అనేది 2023లో విడుదలైన మలయాళం విజిలెంట్ యాక్షన్ థ్రిల్లర్ చిత్రం. బి. ఉన్నికృష్ణన్ దర్శకత్వం వహించిన ఈ మూవీలో మమ్ముట్టి టైటిల్ రోల్‌లో నటించారు. వినయ్ రాయ్, ఆర్.శరత్‌కుమార్, స్నేహ, అమలాపాల్, ఐశ్వర్య లక్ష్మి, అదితి రవి కీలక పాత్రల్లో నటించారు.

పోలీసు వ్యవస్థ తన పని సరిగ్గా నిర్వర్తించలేదని భావించిన ఓ పోలీస్ చట్టం పరిమితులను దాటి ప్రవర్తించవలసి వస్తుంది. దాని వల్ల అతనికి ఎదురైన సంఘటనల సమాహారమే ఈ చిత్ర కథాంశం. ఈ మూవీ ప్రస్తుతం ప్రముఖ ఓటీటీ ప్లాట్‌ఫామ్ అమెజాన్ ప్రైమలో స్ట్రీమింగ్ అవుతోంది.

యాంగర్ టేల్స్ (Anger Tales)

జీవితాల్లోని ఎదురయ్యే పరిస్థితుల కారణంగా నలుగురు వ్యక్తులకి విపరీతమైన కోపం వస్తుంటుంది. దీని వల్ల వారు ఎలాంటి పరిస్థితులను ఎదుర్కొన్నారు అనేది 'యాంగర్ టేల్స్' వెబ్ సిరిస్ కథాంశం. ప్రభల తిలక్ దర్శకత్వం వహించిన ఈ వెబ్ సిరిస్ లో వెంకటేష్ మహా, సుహాస్, రవీంద్ర విజయ్, బిందు మాధవి, ఫణి ఆచార్య, తరుణ్ భాస్కర్, మడోన్నా సెబాస్టియన్ కిలక పాత్రల్లో నటించారు. ఈ సిరీస్ ప్రస్తుతం ప్రముఖ ఓటీటీ ప్లాట్ ఫామ్ డిస్నీ ప్లస్ హాట్ స్టార్ లో స్ట్రీమింగ్ అవుతోంది.