OTT content: తాజాగా ఓటీటీలో విడుదలైన సినిమాలు, వెబ్‌సిరీస్‌లు ఇవే..

ABN , First Publish Date - 2023-03-12T07:58:53+05:30 IST

ఇటీవల ఓటీటీల్లో హవా బాగా పెరిగిన సంగతి తెలిసిందే. కరోనా కారణంగా పలు సినిమాలు డైరెక్ట్ ఓటీటీలోనే విడుదల అయ్యాయి.

OTT content: తాజాగా ఓటీటీలో విడుదలైన సినిమాలు, వెబ్‌సిరీస్‌లు ఇవే..

ott

ఇటీవల ఓటీటీల్లో హవా బాగా పెరిగిన సంగతి తెలిసిందే. కరోనా కారణంగా పలు సినిమాలు డైరెక్ట్ ఓటీటీలోనే విడుదల అయ్యాయి. అయితే.. కరోనా ప్రభావం తగ్గాక థియేటర్స్‌లో రిలీజ్‌లు పెరుగుతాయని ప్రేక్షకులు భావించారు. కానీ అనూహ్యంగా అటు థియేటర్‌, ఇటు ఓటీటీ.. దేనికదే స్పెషల్‌ కంటెంట్‌తో ముందుకు వస్తూ సత్తా చాటుతున్నాయి. థియేటర్‌లో రిలీజైన సినిమాలు, కొద్ది రోజుల గ్యాప్‌లోనే ఓటీటీలోకి రావడం ఇప్పుడు సర్వసాధారణమైపోయింది. ఈ తరుణంలో మార్చి 11న ఓటీటీలో విడుదలైన సినిమాలు, వెబ్ సిరీస్‌ల గురించి తెలుసుకుందాం..

శాసనసభ (Sasanasabha)

అధికారంలోకి రావడానికి అధికార, ప్రతిపక్షాల మధ్య జరిగే రాజకీయ పోరాటమే '' కథాంశం. 16 డిసెంబర్, 2022న విడుదలైన ఈ చిత్రం యావరేజ్ గా నిలిచింది. వేణు మందికంటి దర్శకత్వం వహించిన ఈ సినిమాలో ఇంద్రసేన, ఐశ్వర్య రాజ్ భకుని, రాజేంద్ర ప్రసాద్, హెబ్బా పటేల్, సోనియా అగర్వాల్, పృథ్వి రాజ్, అనీష్ కురువిల్లా, నాగ మహేష్ ప్రధాన పాత్రలు పోషించారు. ఈ మూవీ ప్రస్తుతం ప్రముఖ ఓటీటీ ప్లాట్ ఫామ్ అమెజాన్ ప్రైమ్ లో స్ట్రీమింగ్ అవుతోంది.

చాంగ్ కెన్ డంక్ (Chang Can Dunk)

చాంగ్ అనే 16 ఏళ్ల ఆసియా అమెరికన్ హైస్కూల్ విద్యార్థి కథే 'చాంగ్ కెన్ డంక్'. పాఠశాల బాస్కెట్‌బాల్ స్టార్‌ గా మారి చూపిస్తానని స్నేహితులతో పందెం వేస్తాడు. అతను బాస్కెట్‌బాల్ స్టార్‌ గా మారే ప్రయాణంలో స్నేహితులు, కుటుంబం గురించి చాలా నిజాలు తెలుసుకుంటాడు. 2023లో విడుదలైన ఈ అమెరికన్ స్పోర్ట్స్ డ్రామా చిత్రం పాజిటివ్ టాక్ ను సొంతం చేసుకుంది. జింగి షావో రచించి దర్శకత్వం వహించిన ఈ సినిమాలో బ్లూమ్ లి, డెక్స్టర్ డార్డెన్, బెన్ వాంగ్, జో రెనీ, చేజ్ లీఫెల్డ్, మార్డీ మా నటించారు. ఈ మూవీ ప్రస్తుతం ప్రముఖ ఓటీటీ ప్లాట్ ఫామ్ అమెజాన్ ప్రైమ్ లో స్ట్రీమింగ్ అవుతోంది.