OTT content: తాజాగా ఓటీటీలో విడుదలైన వెబ్‌సిరీస్‌లు, సినిమాలు ఇవే..

ABN , First Publish Date - 2023-03-31T15:29:57+05:30 IST

నెట్ వినియోగం పెరిగిన ఈ డిజిటల్ యుగంలో ఓటీటీల హవా విపరీతంగా పెరిగింది. దీంతో థియేటర్‌‌లతో పోటీ పడుతూ స్పెషల్ కంటెంట్‌తో ముందుకు వస్తున్నాయి.

OTT content: తాజాగా ఓటీటీలో విడుదలైన వెబ్‌సిరీస్‌లు, సినిమాలు ఇవే..

ott

నెట్ వినియోగం పెరిగిన ఈ డిజిటల్ యుగంలో ఓటీటీల హవా విపరీతంగా పెరిగింది. దీంతో థియేటర్‌‌లతో పోటీ పడుతూ స్పెషల్ కంటెంట్‌తో ముందుకు వస్తున్నాయి. అంతేకాకుండా థియేటర్‌లో రిలీజైన సినిమాలు, కొద్ది రోజుల గ్యాప్‌లోనే ఓటీటీలోకి రావడం ఇప్పుడు సర్వసాధారణమైపోయింది. ఈ తరుణంలో తాజాగా ఓటీటీలో విడుదలైన సినిమాలు, వెబ్‌సిరీస్‌ల గురించి తెలుసుకుందాం..

ఆన్ ఏ వింగ్ అండ్ ఏ ప్రేయర్ (On a Wing and a Prayer)

డౌగ్ వైట్స్ అనే వ్యక్తి తన కుటుంబంతో కలిసి విమానంలో ప్రయాణిస్తూ ఉంటాడు. ఫ్లైట్ గాల్లో ఉండగానే.. అనుకోకుండా పైలట్ చనిపోతాడు. వైట్స్ యే స్వయంగా తన కుటుంబాన్ని రక్షించుకోడానికి, విమానాన్ని సురక్షితంగా ల్యాండ్ చేయడానికి ప్రయత్నాలు చేస్తాడు. ఆ తరుణంలో అతని ఎలాంటి అనుభవాలు ఎదురయ్యాయనేది ‘ఆన్ ఏ వింగ్ అండ్ ఏ ప్రేయర్’ చిత్ర కథాంశం. మిస్టరీ థ్రిల్లర్ మూవీలో డెన్నిస్ క్వైడ్, హేథర్ గ్రాహం, జెస్సీ మెట్‌కాల్ఫ్ కీలక పాత్రల్లో నటించారు. ఈ మూవీ ప్రస్తుతం ప్రముఖ ఓటీటీ ప్లాట్‌ఫామ్ ప్రైమ్ వీడియోలో స్ట్రీమింగ్ అవుతోంది. (OTT movies)

ఫరాజ్ (Faraaz)

‘ఫరాజ్’.. 2022లో విడుదలైన హిందీ భాష యాక్షన్ థ్రిల్లర్ చిత్రం. T-సిరీస్ మరియు బెనారస్ మీడియా వర్క్స్ నిర్మించిన ఈ చిత్రానికి హన్సల్ మెహతా దర్శకత్వం వహించారు. ఈ మూవీలో జూహీ బబ్బర్, అమీర్ అలీ ఆదిత్య రావల్, జహాన్ కపూర్, జతిన్ సరిన్, పల్లక్ లల్వానీ కీలక పాత్రలు పోషించారు. జూలై 2016న ఢాకాలోని ఓ బేకరిపై తీవ్రవాదుల దాటి చేశారు. ఆ వాస్తవ సంఘటనని ఆధారంగా చేసుకుని ఈ చిత్రాన్ని నిర్మించారు. 3 ఫిబ్రవరి 2023న విడుదలైన ఈ చిత్రానికి మిక్స్‌డ్ టాక్ వచ్చింది. ఈ మూవీ ప్రస్తుతం ప్రముఖ ఓటీటీ ప్లాట్‌ఫామ్ నెట్‌ఫ్లిక్స్‌లో స్ట్రీమింగ్ అవుతోంది. (OTT Releases)