OTT content: తాజాగా ఓటీటీలో విడుదలైన సినిమాలు, వెబ్‌సిరీస్‌లు ఇవే..

ABN , First Publish Date - 2023-03-13T11:55:59+05:30 IST

నెట్ వినియోగం పెరిగిన ఈ డిజిటల్ యుగంలో ఓటీటీల హవా విపరీతంగా పెరిగింది.

OTT content: తాజాగా ఓటీటీలో విడుదలైన సినిమాలు, వెబ్‌సిరీస్‌లు ఇవే..

నెట్ వినియోగం పెరిగిన ఈ డిజిటల్ యుగంలో ఓటీటీల హవా విపరీతంగా పెరిగింది. థియేటర్‌లో రిలీజైన సినిమాలు, కొద్ది రోజుల గ్యాప్‌లోనే ఓటీటీలోకి రావడం ఇప్పుడు సర్వసాధారణమైపోయింది. అంతేకాకుండా కొన్ని సినిమాలైతే డైరెక్ట్ ఓటీటీలోనే విడుదల అవుతూ ప్రేక్షకులకు వినోదాన్ని పంచుతున్నాయి. మార్చి 12న ఓటీటీలో విడుదలైన సినిమాలు, వెబ్‌సిరీస్‌ల గురించి తెలుసుకుందాం..

కంజూస్ మజ్ను ఖర్చిల్లి లైలా (Kanjoos Majnu Kharchilli Laila)

జీవితంలో ఎత్తు ఎదగాలనే ఓ యువకుడు, జీవనశైలిలో కూడా మారాలని కలలు కంటుంటాడు. ఈ తరుణంలో ఓ మధ్య తరగతి అమ్మాయితో ప్రేమలో పడతాడు. ఈ తరుణంలో ఆ యువకుడికి ఎదురైన సంఘటనల సమాహారమే ‘కంజూస్ మజ్ను ఖర్చిల్లి లైలా’ కథాంశం. 13 జనవరి, 2023న విడుదలైన ఈ పంజాబీ చిత్రం పాజిటివ్ టాక్‌ని సొంతం చేసుకుంది. ఈ చిత్రానికి అవతార్ సింగ్ దర్శకత్వం వహించగా.. రాజీవ్ ఠాకూర్, సెహర్ షెహనాజ్, నిర్మల్ రిషి, బ్రిజేంద్ర కలా, సీమా కౌశల్ ప్రధాన పాత్రలు పోషించారు. ఈ మూవీ ప్రస్తుతం ప్రముఖ ఓటీటీ ప్లాట్‌ఫామ్ ప్రైమ్ వీడియోలో స్ట్రీమింగ్ అవుతోంది.