AlluArjun: ఐకాన్ స్టార్ చంక ఆ హీరోయిన్ ఎక్కేసింది, ఫోటో చూసారా...
ABN , First Publish Date - 2023-06-14T11:22:57+05:30 IST
మొన్న అల్లు అర్జున్, త్రివిక్రమ్ శ్రీనివాస్ ఆహ ఛానల్ కోసం సినిమా చేస్తున్నారు అని ప్రకటించారు. ఈరోజు ఆ సినిమాలో హీరోయిన్ ని ప్రకటించారు. ఇంతకీ ఈ ముగ్గురి కాంబినేషన్ సినిమా కోసమా, ఏదైనా షో చేస్తారా లేదా ప్రచార స్టంట్ మాత్రమేనా అని చాలామంది మదిలో మెదులుతున్న ప్రశ్న
అల్లు అరవింద్ (AlluAravind) మొదలు పెట్టిన ఆహా ఛానల్ (AhaChannel) గత కొన్ని రోజులుగా అల్లు అర్జున్ (AlluArjun), త్రివిక్రమ్ శ్రీనివాస్ (TrivikramSrinivas) కలిసి ఆ ఛానెల్ కి ఒక సినిమా తీస్తున్నారు అని ప్రకటించింది. ఇప్పుడు అందులో అల్లు అర్జున్ (AlluArjun) తో నటిస్తున్న హీరోయిన్ ఎవరో తెలుసా అంటూ నిన్నటి నుండి మొదలు పెట్టి ఈరోజు ఉదయం ప్రకటిస్తాం అని ప్రకటించింది. ఇంతకీ ఆ హీరోయిన్ ఎవరో కాదు, ఇప్పుడు టాలీవుడ్ లో సుమారు పది సినిమాలతో బిజీ గా వున్న సెన్సేషన్ హీరోయిన్ శ్రీలీలే (Sreeleela).
శ్రీలీల పుట్టినరోజు కూడా ఈరోజు అవటం విశేషం. ఆమె అల్లు అర్జున్ చంక ఎక్కి కూర్చున్న ఫోటో విడుదల చేశారు ఆహా ఛానల్ వాళ్ళు. ఆ ఫోటో చూస్తుంటేనే అర్థం అవుతోంది, ఈ ఇద్దరూ కలిసి డాన్స్ చేస్తూ, స్టెప్స్ వేస్తూ ఉంటే అదిరిపోతుంది అని. ఇంతకీ ఎందుకు ఇంత హంగామా చేస్తున్నారు ఆహా ఛానల్ వాళ్ళు అంటే, ఆ ఛానల్ రేటింగ్స్ పడిపోయాయని, మళ్ళీ పైకి తేవడానికి ఇలా చేయాల్సి వస్తోంది అని కొందరు అంటున్నారు.
త్రివిక్రమ్ శ్రీనివాస్, అల్లు అర్జున్, శ్రీలీల ఇప్పుడు ఈ కాంబినేషన్ చూస్తూనే వీళ్ళు ఆహా కోసం సినిమా చేస్తారా, షో చేస్తారా, లేదా ఏదైనా ఒక ఎపిసోడ్ తీస్తారా ఇవేమి కూడా ప్రకటించంటం లేదు. కేవలం కాంబినేషన్స్ మాత్రమే ప్రకటిస్తున్నారు. ఇంతకీ అల్లు అర్జున్, శ్రీలీల కలిపి సినిమా చేస్తారా లేదా వూరికే ప్రచార స్టంట్ కోసం చేస్తున్నారో అర్థం కావటం లేదు అని కూడా కొందరు అంటున్నారు.
శ్రీలీల ఇప్పుడు త్రివిక్రమ్ శ్రీనివాస్, మహేష్ బాబు (MaheshBabu) కాంబినేషన్ లో వస్తున్న 'గుంటూరు కారం' (GunturKaram) సినిమాలో ఒక కథానాయికగా చేస్తోంది. ఆమె మీద కొన్ని సన్నివేశాలు చిత్రీకరించారు కూడా. ప్రస్తుతం ఆ సినిమా షూటింగ్ ఎప్పుడు అవుతుందో తెలియని పరిస్థితి వుంది. అయితే ఈలోగా త్రివిక్రమ్, అల్లు అర్జున్, శ్రీలీల కాంబినేషన్ ఇలా ఆహా ఛానల్ ప్రకటించటం ఆసక్తికరం.