Agent OTT release: ఇవాళ ఓటిటిలో స్ట్రీమింగ్ అవ్వాల్సిన అఖిల్ సినిమా వాయిదా

అఖిల్ అక్కినేని (Akhil Akkineni), సురేందర్ రెడ్డి (Surender Reddy) కాంబినేషన్ వచ్చిన 'ఏజెంట్' #Agent సినిమా విడుదలయి మూడు వారాలు అయింది. ఈ సినిమా బాక్స్ ఆఫీస్ దగ్గర ఘోర పరాజయం చవిచూసింది. అయితే విడుదల అయిన మూడు వారాలకే అంటే మే 19 ఈరోజు ఈ సినిమా ఓటిటి లో వచ్చేస్తోంది అని సోనీ లివ్ (SonyLiv) అప్పుడెప్పుడో ప్రకటించింది. కానీ తీరా చూసాక ఈ సినిమా ఓటిటి లో రాలేదు అని తెలిసింది. థియేటర్ లో చూడని వాళ్ళు ఈ సినిమా ఓటిటి లో చూసేద్దామని ఎంతో ఆశగా ఎదురుచూసిన వాళ్ళకి నిరాశే మిగిలింది. ఎందుకంటే ఇది ప్రసారం కాలేదు.

ఈరోజు మధ్యాహ్నం సోనీ లివ్ (SonyLiv) సాంఘీక మాధ్యమం లో ఒక పోస్ట్ పెట్టింది. "యాక్షన్ ప్యాకెడ్ రైడ్ కోసం రెడీ గా వుండండి. అఖిల్ అక్కినేని, మమ్మూట్టి నటించిన 'ఏజెంట్' సినిమా త్వరలోనే స్ట్రీమింగ్ సోనీ లివ్ లో స్ట్రీమింగ్ అవుతుంది" అని పోస్ట్ పెట్టింది. ఇందులో ఎప్పుడు అనేది డేట్ చెప్పలేదు. ఈ సినిమా విడుదల అయినా తరువాత పెద్ద వివాదమే అయింది. ముందు ఈ చిత్ర నిర్మాత అనిల్ సుంకర (AnilSunkara) ట్విట్టర్ లో ఒక పోస్ట్ పెట్టి అందులో ఈ సినిమా వైఫల్యానికి కారణం బౌండ్ స్క్రిప్ట్ లేకపోవటమే అన్నాడు. అలాగే భాద్యత అంతా తన మీదే వేసుకున్నాడు కూడా. అతను దర్శకుడు సురేందర్ రెడ్డి (SurenderReddy) ప్రస్తావన తేలేదు.

కొన్ని రోజుల తరువాత అఖిల్ అక్కినేని #AkhilAkkineni కూడా ఒక నోట్ పెట్టాడు. అందులో తాను ఎంతో కష్టపడి చేశాను అని, అలాగే చిత్ర యూనిట్ కూడా ఈ సినిమా కోసం చాలా కష్టపడ్డారు అని చెపుతూ అందరికీ థాంక్స్ చెప్పాడు. అలాగే మళ్ళీ స్ట్రాంగ్ గా ఇంకో సినిమాతో వస్తాను అన్నాడు. కానీ అఖిల్ కూడా సురేందర్ రెడ్డి గురించి ప్రస్తావించలేదు. ఈ సినిమాలో సాక్షి వైద్య (SakshiVaidya) కథానాయికగా ఆరంగేట్రం చేసింది.