ఓటీటీలో ఇటీవల విడుదలైన ‘కాలా బార్బేరియన్ చాప్టర్ 1’ (Kaala Barbarian Chapter 1) హిందీ చిత్రం మంచి ఆదరణను దక్కించుకుంటోంది. ఓటీటీల్లో స్ట్రీమింగ్ అవుతున్న ఈ సినిమాలో కరీంనగర్ కుర్రాడు ప్రజ్ఞన్ విలన్‌గా నటించాడు. ‘కాలా బార్బేరియన్ చాప్టర్ 1’లో సైకో పాతలో ప్రజ్ఞన్ నటనకు ప్రతి ఒక్కరి నుంచి ప్రశంసలు అందుతున్నాయి. ఓటీటీలో వచ్చిన ఈ సినిమాకు వస్తున్న రెస్పాన్స్.. అలాగే ప్రజ్ఞన్ (Pragnan) నటనకు వస్తున్న ప్రశంసలతో ఒక్కసారిగా ఈ కరీంనగర్ కుర్రాడి పేరు వైరల్ అవుతోంది. ఇప్పుడతనికి ఓ తెలుగు సినిమాలో విలన్ పాత్రలో నటించే ఛాన్స్ వచ్చినట్లుగా కూడా తెలుస్తోంది.

ఈ సందర్బంగా ప్రజ్ఞన్ మాట్లాడుతూ ‘‘కాలా బార్బేరియన్ చాప్టర్ 1 (Kaala Barbarian Chapter 1).. ఈ సినిమాలో చయనిక చౌదరితో కలిసి నేను నటించిన సన్నివేశాలకు మంచి ప్రశంసలు వచ్చాయి. పూణే ఫిల్మ్ ఇన్‌స్టిట్యూట్‌లో శిక్షణ పొందిన పలువురు దర్శకులు ఫోన్ చేసి ప్రశంసించారు. అది నాకు మరింత ఉత్సాహాన్నిచ్చింది. అంతేకాకుండా నేను కొంతమంది దర్శకులకు ఈ సినిమా చూపించినప్పుడు.. చూసిన వెంటనే తెలుగు సినిమాలో ఒక ప్రముఖ హీరో సరసన అవకాశం ఇచ్చిన దర్శకుడు శ్రీని (Srini)గారికి ధన్యవాదాలు.

మల్టీపుల్ డిజార్డర్ క్యారెక్టర్‌కి స్కోప్ ఉన్న పాత్ర దొరికింది. ఒక మంచి నటుడికి ఇంతకంటే కావలసిందేముంది. పూణే ఫిల్మ్ ఇన్‌స్టిట్యూ‌ట్‌లో యాక్టింగ్ కోర్సు ముగించుకోగానే ఈ అవకాశం వచ్చింది. నా తొలి చిత్రానికే ఇంతటి పేరు రావడం నాకు చాలా ఆనందంగా వుందని అన్నా రు. కాగా.. జింటో చాకో శామ్యూల్ (Jinto Chacko Samuel) దర్శకత్వం వహించిన కాలా బార్బేరియన్ చాప్టర్ 1 చిత్రంలో వరుణ్ సింగ్ రాజ్‌పుత్, స్తుతి త్రివేది జంటగా నటించారు.

ఇవి కూడా చదవండి:

============================

*Animal: ఆ హీరోయిన్ సేఫయింది.. పాపం రష్మికా బుక్కయింది

*************************************

*Tiger Nageswara Rao Single: నా గుండెపైన నీ వేలిముద్ర.. దాచేది ఎట్టా ఓ రామచంద్రా?

***********************************

*Jr NTR: చంద్రబాబు అక్రమ అరెస్ట్‌పై ఎన్టీఆర్ ఎందుకు స్పందించలేదనే దానికి ఇదేనా క్లారిటీ!?

************************************

*Vishal: గ్రామస్తుల దాహార్తిని తీర్చిన హీరో విశాల్‌

*************************************

*Hi Nanna: ‘హాయ్ నాన్న’ టీజర్ కూడా వచ్చేస్తోంది.. ఎప్పుడంటే?

***********************************