ఈ కుర్రాడు చిన్నప్పటి నుంచి విక్టరీ వెంకటేష్ (Victory Venkatesh) ఫ్యాన్. కానీ.. సూపర్ స్టార్ మహేష్ బాబు (Super Star Mahesh Babu) నటించిన ‘పోకిరి’ (Pokiri) సినిమా చూశాక హీరో అవ్వాలని డిసైడ్ అయిపోయాడు. మదనపల్లిలో సెటిల్ అయిన ఈ కడప కుర్రాడు.. ఇంజినీరింగ్ చేస్తూనే... సినిమా ఛాన్సుల కోసం ప్రయత్నం చేసేందుకు వీలుగా ఏరికోరి హైదరాబాద్‌ను ఎంపిక చేసుకున్నాడు. అయితే ఆశించిన స్థాయిలో ఆ కుర్రాడి ప్రయత్నాలు ఫలించలేదు. దాంతో ‘ఎం.ఎస్’ చేసేందుకు అమెరికా వెళ్లాడు. ఎం.ఎస్ చేస్తూనే వాషింగ్టన్‌లోని ఓ ప్రఖ్యాత ఫిల్మ్ ఇన్స్టిట్యూట్ నుంచి ఫిల్మ్ మేకింగ్‌లో డిప్లొమా చేశాడు. ఆ తర్వాత అక్కడ జాబ్ చేస్తూనే సినిమా ప్రయత్నాలు కొనసాగించి... తన లక్ష్య సాధనలో భాగంగా తొలి అడుగులు వేశాడు. ఆయన ప్రయత్నాలు ఫలించి.. హీరోగా అవకాశం వచ్చింది. ఆయన హీరోగా చేసిన సినిమా ఇటీవల విడుదలైంది కూడా. ఇంతకీ ఆ సినిమా ఏమిటనుకుంటున్నారా? ‘నేడే విడుదల’.

ప్రమోషన్స్ పెద్దగా లేకుండా థియేటర్లలోకి వచ్చిన ‘నేడే విడుదల’ (Nede Vidudala) చిత్రంతో హీరోగా అరంగేట్రం చేసిన అసిఫ్ ఖాన్ (Asif Khan)... తొలి చిత్రంతోనే మంచి మార్కులు సంపాదించుకోవడం విశేషం. ఈ సినిమాలో ఈ కుర్ర హీరో చేసిన డాన్సులు, ఫైట్స్, పర్ఫార్మెన్స్ అందరి దృష్టిని ఆకర్షించడమే కాకుండా.. పలువురు దర్శకులు, నిర్మాతలు తన కోసం ఆరా తీసే స్థాయిలో పేరును సంపాదించుకున్నాడు. ‘నేడే విడుదల’ చిత్రం చిత్రీకరణలో ఉండగానే.. ‘919’ అనే చిత్రంలోనూ నటించే అవకాశం సొంతం చేసుకున్నాడు.

ఇకపై సినిమా రంగంలోనే స్థిరపడాలనే సంకల్పంతో హైదరాబాద్‌ (Hyderabad)లోనే స్థిర నివాసం ఏర్పాటు చేసుకుని, తన మూడో చిత్రంకు సంబంధించిన కథా చర్చల్లో పాల్గొంటున్నాడు. అసిఫ్ రెండో చిత్రం ‘919’ తో శాండీ సాయి (Sandy Sai) అనే ఓ ఎన్నారై (NRI) వనిత దర్శకనిర్మాతగా పరిచయం అవుతుండటం విశేషం. తన మూడో చిత్రానికి (3rd Film) సంబంధించిన వివరాలను కూడా త్వరలోనే ఈ యువ హీరో ప్రకటించనున్నట్లుగా తెలుస్తోంది.

ఇవి కూడా చదవండి:

*********************************

*Richa Panai: అవకాశాలు లేక ఈ భామ ఇప్పుడేం చేస్తుందో తెలుసా?

*The Elephant Whisperers: ఆస్కార్ అందుకున్న ఆనందం ఆవిరైంది

*Dasara Trailer: ఇదీ ట్రైలర్‌ అంటే.. ఒక్కొక్కనికి రాల్తాయ్!!

*Thammareddy Bharadwaja: ‘ఆర్ఆర్ఆర్’కి ఆస్కార్ అవార్డ్.. తమ్మారెడ్డి ఏమన్నారంటే?

*Oscar to RRR: తెలుగు చలన చిత్ర నిర్మాతల మండలి స్పందనిదే..

*Ram Charan: ఉపాసనని, ఆమె మెడలోని నగని కాపాడుకోవాలి

*Talasani: ‘ఆర్ఆర్ఆర్’కి ఆస్కార్.. BJP ప్రభుత్వానికి ఇది గుణపాఠం

*SS Rajamouli: జక్కన్న మంట పుట్టించాడు.. ఈ పిక్‌కి అర్థం అదేనా?

* Harish Shankar: పెరుగన్నం, బిర్యానీ.. దర్శకుడు మహాకు కౌంటర్