Rebel Moon: థియేట‌ర్‌లోకి వ‌చ్చిన వారానికే.. ఓటీటీలోకి అదిరిపోయే హాలీవుడ్ స్పేస్ ఒపెరా సినిమా
ABN , First Publish Date - 2023-12-10T18:37:33+05:30 IST
థియేట‌ర్‌, ఓటీటీ ప్రేక్ష‌కుల‌ను అల‌రించ‌డానికి మ‌రో అదిరిపోయే హాలీవుడ్ యాక్ష‌న్ చిత్రం సిద్ధ‌మ‌యింది. డిసెంబ‌ర్ 15న సెల‌క్టెడ్ థియేట‌ర్ల‌లో విడుద‌ల అవుతుండ‌గా ఆ వెంట‌నే వారానికి అంటే డిసెంబ‌ర్ 21న ఓటీటీలోకి ఈ చిత్రాన్ని తీసుకురానున్నారు.
థియేట‌ర్‌, ఓటీటీ ప్రేక్ష‌కుల‌ను అల‌రించ‌డానికి మ‌రో అదిరిపోయే హాలీవుడ్ యాక్ష‌న్ చిత్రం రెబ‌ల్ మూన్ (Rebel Moon Part One: A Child of Fire) విడుద‌ల‌కు సిద్ధ‌మ‌యింది. నెట్‌ఫ్లిక్స్ (Netflix) ఒరిజిన‌ల్ మూవీగా అమెరికన్ ఎపిక్ స్పేస్ ఒపెరా జాన‌ర్‌లో వ‌చ్చిన ఈ చిత్రానికి 300, వాచ్‌మెన్‌, సూప‌ర్‌మాన్, జ‌స్టిస్ లీగ్ వంటి భారీ చిత్రాల‌ను డైరెక్ట్ చేసిన జాక్ స్నైడర్ (Zack Snyder) ద‌ర్శ‌కత్వం వ‌హించారు. అయితే ఆ సినిమా డిసెంబ‌ర్ 15న సెల‌క్టెడ్ థియేట‌ర్ల‌లో విడుద‌ల అవుతుండ‌గా ఆ వెంట‌నే వారానికి అంటే డిసెంబ‌ర్ 21న ఓటీటీలోకి తీసుకురానున్నారు.
ఈ చిత్రంలో సోఫియా బౌటెల్లా(Sofia Boutella) మెయిన్ లీడ్‌లో న‌టిస్తుండ‌గా చార్లీ హున్నమ్ (Charlie Hunnam), మిచెల్ హుయిస్‌మాన్ (Michiel Huisman), జిమోన్ హౌన్సౌ (Djimon Hounsou), డూనా బే (Doona Bae), రే ఫిషర్(Ray Fisher), క్లియోపాత్రా కోల్‌మన్ (Cleopatra Coleman), జెనా మలోన్ (Jena Malone), ఫ్రా ఫీ (Fra Fee), ఎడ్ స్క్రీన్ (Ed Skrein), ఆంథోనీ హాప్‌కిన్స్ (Anthony Hopkins) వంటి న‌టులు ఇత‌ర ప్ర‌ధాన పాత్ర‌ల్లో న‌టిస్తున్నారు. ఇప్ప‌టికే విడుద‌లైన ఈ సినిమా టీజ‌ర్‌, ట్రైల‌ర్‌కు మంచి రెస్పాన్స్ రావ‌డంతో సినిమాపై అంచ‌నాలు బాగా పెరిగాయి.
మదర్ వరల్డ్ అనే అవినీతి ప్ర‌భుత్వ పాల‌న‌లో ఉన్న యూనివ‌ర్స్‌లోని ఇంపీరియం సైన్యం.. చంద్రునిపై దాడులు చేస్తామంటూ అక్క‌డి వారిని బెదిరిస్తుంది. దీంతో గ‌తంలో ఈ సైన్యంలోనే ప‌ని చేసిన కోరా అనే సైనికురాలు మదర్ వరల్డ్ ప్ర‌భుత్వానికి ఎదురుతిరిగి దానికి వ్య‌తిరేకంగా ఆ గెలాక్సీలో ఉన్న యోధులందరిని ఒక ద‌గ్గ‌రికి చేర్చి క్రూర‌మైన మ‌ద‌ర్‌వ‌రల్డ్‌పై ఏవిధంగా పోరాటం చేసిందనే క‌థ నేప‌థ్యంలో సినిమా తెర‌కెక్కింది. ఆధ్యంతం విస్తుగొలిపే యాక్ష‌న్ ఎపిసోడ్స్‌తో, అబ్బుర‌ప‌రిచే విజువ‌ల్స్‌, గ్రాఫిక్స్ గూస్‌బంప్స్ తీసుకువ‌చ్చేలా ప్ర‌తి క్ష‌ణం అడ్వెంచ‌ర‌స్‌గా సాగుతూ చూసే ప్రేక్ష‌కుడికి ఐ ఫీస్ట్ అనిపించేలా రూపొందించ‌బ‌డింది.
నెట్‌ఫ్లిక్స్(Netflix) 166 మిలియ‌న్ల‌తో రెండు భాగాలుగా నిర్మించిన ఈ సినిమా మొద‌టిభాగం డిసెంబ‌ర్ 15న అమెరికాలోని సెల‌క్ట్ చేసిన థియేట‌ర్ల‌లో విడుద‌ల చేస్తుండ‌గా త‌ర్వాతి వార‌మే డిసెంబ‌ర్ 21న నెట్‌ఫ్లిక్స్‌లోనే స్ట్రీమింగ్‌కు తీసుకు రానున్నారు. అంతేగాక 2 గంట‌ల 13 నిమిషాల నిడివితో థియేట‌ర్ల‌లో విడుద‌ల చేయ‌నుండ‌గా 3 గంట‌ల 13 నిమిషాల‌తో ఓటీటీలోకి సౌత్ ఇండియాలోని ప్ర‌ధాన భాష‌ల‌లో తీసుకు రానున్నారు. ఇక రెండో పార్ట్ 2 రెబ‌ల్ మూన్ ది స్కార్గివర్ ను ఏప్రిల్ 19 2024న విడుద‌ల చేయ‌నున్నారు.