IF: ఆక‌ట్టుకుంటున్న.. డెడ్‌పూల్ హీరో లైవ్ యాక్ష‌న్ యానిమేట‌డ్ ఫాంట‌సీ సినిమా ట్రైల‌ర్‌

డెడ్‌పూల్, గ్రీన లాంత‌ర్న్‌ సినిమాల‌ ద్వారా ప్ర‌పంచ‌వ్యాప్తంగా గుర్తింపు తెచ్చుకున్న న‌టుడు ర్యాన్ రేనాల్డ్స్ (Ryan Reynolds) తాజాగా న‌టిస్తున్న చిత్రం ఇఫ్ (IF). అమెరిక‌న్ లైవ్ యాక్ష‌న్ యానిమేట‌డ్ ఫాంట‌సీ జాన‌ర్‌లో వ‌స్తున్న ఈ సినిమా ట్రైట‌ర్‌ను నిన్న రాత్రి విడుద‌ల చేయ‌గా సినీ అభిమానుల‌ను బాగా ఆక‌ట్టుకుంటున్న‌ది.

తండ్ర‌, కూతురు ఇంట్లో ఉండే ఓ లైవ్‌ కార్టూన్ మ‌ధ్య సాగే క‌థ నేప‌థ్యంలో ఈ చిత్రం ఉండ‌నున్న‌ట్లు తెలుస్తోంది. మ‌ధ్య‌లో చుట్టూ ఉండే బొమ్మ‌లు, యానిమేష‌న్ క్యారెక్ట‌ర్లు ప్రాణం పోసుకుని రావ‌డం వారితో క‌లిసి జ‌ర్నీ చేయ‌డం వంటి ఆస‌క్తిక‌ర స‌న్నివేశాల‌తో ట్రైల‌ర్‌ను రూపొందించారు.

ఈ సినిమాకు జాన్ క్రాసిన్స్ (John Krasinski) ర‌చ‌న చేయ‌డ‌మే కాకుండా దర్శకత్వం చేశారు మరియు సహ-నిర్మాత‌గా వ్య‌వ‌హ‌రించారు. ఇంకా సినిమాలో ర్యాన్ రేనాల్డ్స్‌తో పాటు, క్రాసిన్స్కి (Ryan Reynolds), కైలీ ఫ్లెమింగ్, ఫియోనా షా, అలాన్ కిమ్చ‌ లిజా కొలోన్-జయాస్ ప్ర‌ధాన పాత్ర‌లు పోషించారు. ఈ చిత్రం 2024 వేస‌విలో మే 17న ప్రేక్ష‌కుల ముందుకు రానుంది.