Godzilla x Kong: ఫ్యాన్స్ గెట్ రెడీ.. అదిరిపోయిన హాలీవుడ్ మాన్‌స్ట‌ర్ ఫిలిం ట్రైలర్
ABN , First Publish Date - 2023-12-04T16:17:38+05:30 IST
హాలీవుడ్ డ‌బ్బింగ్ సినిమాల‌కు మ‌న దేశంలో ఉండే క్రేజే వేరు. ముఖ్యంగా మాన్‌స్ట‌ర్ జాన‌ర్ చిత్రాల‌నైతే వ‌య‌స్సు, లింగ బేధం అనేది లేకుండా సినిమాను వ‌దిలిపెట్ట‌కుండా చూస్తుంటారు. అలాంటి వారి కోస‌మే తాజాగా ఓ కొత్త సినిమా సిద్ధ‌మైంది.
హాలీవుడ్ డ‌బ్బింగ్ సినిమాల‌కు మ‌న దేశంలో ఉండే క్రేజే వేరు. వాటి కోసం ఎదురు చూసే అభిమానులు, పిల్లలు చాలా మందే ఉంటారు. ముఖ్యంగా మాన్‌స్ట‌ర్ జాన‌ర్ చిత్రాల‌నైతే వ‌య‌స్సు, లింగ బేధం అనేది లేకుండా సినిమాను వ‌దిలిపెట్ట‌కుండా చూస్తుంటారు. అలాంటి వారిని అల‌రించ‌డం కోస‌మే తాజాగా ఓ కొత్త సినిమా సిద్ధ‌మైంది. 2021లో వ‌చ్చిన గాడ్జిల్లా వర్సెస్ కాంగ్1 కు సీక్వెల్‌గా రూపొందించిన గాడ్జిల్లా వర్సెస్ కాంగ్2 (నూత‌న సామ్రాజ్యం) (Godzilla x Kong: The New Empire) త్వ‌ర‌లో రిలీజ్‌కు సిద్ధ‌మ‌వుతుంది. ఈ రోజు (04.12.2024) చిత్రం ట్రైలర్ విడుద‌ల‌వ‌గా ఇందులో స‌మ్‌థింగ్ బిగ్‌ ఏదో ఉంటుంద‌నేలా, క‌నులకు ఐఫీస్ట్ లాగా ఉంది. గ్రాఫిక్స్, బ్యాగ్రౌండ్ స్కోర్ ఓ రేంజ్ లో ఉంది.
ఆడమ్ వింగార్డ్ దర్శకత్వం వహించిన ఈ అమెరికన్ మాన్‌స్ట‌ర్ చిత్రాన్ని లెజెండరీ పిక్చర్స్ నిర్మించగా వార్నర్ బ్రదర్స్ పిక్చర్స్ ప్ర‌పంచ‌వ్యాప్తంగా పంపిణీ చేస్తున్న‌ది, గాడ్జిల్లా వర్సెస్ కాంగ్ (2021)సనిమాకి సీక్వెల్‌గా వ‌స్తున్న ఈ గాడ్జిల్లా x కాంగ్: ది న్యూ ఎంపైర్ (Godzilla x Kong: The New Empire) Monster Verseలో 7వ భాగం మరియు 5వ చిత్రం కావ‌డం విశేషం. అదేవిధంగా గాడ్జిల్లా ఫ్రాంచైజీలో 38వ, కింగ్ కాంగ్ ఫ్రాంచైజీలో 13వ చిత్రమ‌వ‌డం గ‌మ‌నార్హం. ఇక ఈ చిత్రంలో రెబెక్కా హాల్(Rebecca Hall), బ్రియాన్ టైరీ హెన్రీ, డాన్ స్టీవెన్స్ ప్ర‌ధాన పాత్ర‌ల్లో న‌టించారు.
ఇక ఈ సినిమా క‌థ విష‌యానికి వ‌స్తే ఈ సినిమాలో గాడ్జిల్లా వర్సెస్ కాంగ్ మ‌ధ్య వ‌చ్చే పోరాట స‌న్నివేశాలు ఇంత‌కుముందు ఎన్న‌డూ చూడ‌ని విధంగా ఉండ‌నున్నాయి. వాటి మ‌ధ్య యుద్ధం జ‌రుగుతున్న క్ర‌మంలో మాన‌వాళికి పొంచి ఉన్న ఓ పెనుముప్పును, ర‌హాస్యాల‌ను సైంటిస్ట్స్‌ ఎలా క‌నుగొన్నారు, దానికి వ్య‌తిరేఖంగా ఆ మాన్‌స్టర్స్, మ‌న‌షులు ఎలా పొరాటం చేశారనే ఇతివృత్తంలో ఆధ్యంతం ఆక‌ట్టుకునే గ్రాఫిక్స్, పోరాట దృశ్యాలు, సాహాసాల‌తో తెరకెక్కించారు. ఈ చిత్రం ఏప్రిల్ 12 2024న ప్ర‌పంచ వ్యాప్తంగా అన్ని భాష‌ల‌లో విడుద‌ల కానుంది. అప్ప‌టివ‌ర‌కు ఈ ట్రైల‌ర్‌ను చూసి ఎంజాయ్ చేయండి.