Game Changer: రామ్ చరణ్, శంకర్ సినిమా లీకుల బెడద, ఈసారి ఎవరు లీక్ చేశారో...

రామ్ చరణ్ (RamCharan), శంకర్ (DirectorShankarShanumugham) కాంబినేషన్ లో వస్తున్న సినిమా 'గేమ్ చేంజర్' #GameChanger. దీనికి దిల్ రాజు (DIlRaju) నిర్మాత. ఈ సినిమా షూటింగ్ జరుగుతున్నప్పుడు చాలా ఫోటోస్ బయటకి వచ్చేసాయి, ఎందుకంటే ఈ సినిమా చాలా షూటింగ్ అవుట్ డోర్ లో జరగడం వలన, అక్కడకి వచ్చే జనాలని కంట్రోల్ చెయ్యలేరు. అందుకని చాలామంది మొబైల్స్ లో ఫోటోలు తీసి సాంఘీక మాధ్యమాల్లో పెట్టేరు, అప్పుడు ఆలా ఫోటోస్ లీకు బారిన పడింది ఈ 'గేమ్ చెంజర్' సినిమా.

అయితే ఇప్పుడు ఏకంగా ఒక పెద్ద లీకు అయింది ఈ సినిమా నుంచి. అదేంటి అంటే ఈ సినిమాలో ఒక పాట మొత్తం బయటకి వచ్చేసింది. మరి దీనికి బాధ్యులెవరై వుంటారా అని చిత్ర యూనిట్ ఆరాతీస్తున్నట్టుగా తెలిసింది. ఈ సినిమాకి సంగీతం తమన్ (SSThaman) అందిస్తున్నాడు. ఈ సినిమా నుంచి ఎటువంటి పాటలు ఇంతవరకు విడుదల కాలేదు, కానీ ఒక పాత మొత్తం లీకు అవటంతో చిత్ర యూనిట్ అందరూ ఇప్పుడు షాకులో వున్నట్టుగా భోగట్టా.

రామ్ చరణ్ అభిమానులు అందరూ సాంఘీక మాధ్యమాల్లో ఈ పాట లీకు అవటం గురించే మాట్లాడుతున్నారు. చిత్ర నిర్మాతలని, సంగీత దర్శకుడిని ఏమి చేస్తున్నారు, ఎందుకు ఇలా లీకు అవుతోంది చూడండి అని అడుగుతున్నారు. ఇంకో అభిమాని అయితే ఏంటో ఒక్క రామ్ చరణ్ సినిమాల నుండే ఇలా పాటలు లీకు అవుతూ ఉంటాయి అని వాపోయాడు. ఇంతకు ముందు కూడా ఇలానే రామ్ చరణ్ సినిమాల నుంచి కొన్ని పాటలు లీక్ అయ్యాయని, ఇప్పుడు 'గేమ్ చేంజర్' సినిమా నుండి కూడా పాట లీకు అయిందని, అందరూ ఏమి చేస్తున్నారని ప్రశ్నిస్తున్నారు. ఈ సినిమాలో కియారా అద్వానీ (KiaraAdvance), అంజలి (Anjali) ఇద్దరి కథానాయకులు, అంజలి ఫ్లాష్ బ్యాక్ ఎపిసోడ్ లో కనిపిస్తుంది అని అంటున్నారు.

ఆ పాట కూడా 'జరగండి జరగండి' ఇంతకు ముందు శంకర్ 'అపరిచితుడు'లో పాట తరహాలో ఉందని అంటున్నారు. అలాగే కొందరు ఈ పాట బాగుంది అని, కొందరు అయితే ఈ పాట పలనా పాటకి కాపీ అని అంటున్నారు. కొందరు ఈ సినిమాకి సంగీతాన్ని అందిస్తున్న తమన్ ని కూడా ట్రోల్ చేస్తున్నారు. ఏమైనా ఇలా ఒక పెద్ద సినిమా నుండి ఒక పాట లీకు అవటం ఆశ్చర్యకరమే !