Tollywood: చిరంజీవితో సహా అగ్ర నటులు అందరూ షూటింగ్స్ తో బిజీ, ఎవరు ఎక్కడ...
ABN , First Publish Date - 2023-11-20T15:09:24+05:30 IST
తెలుగు సినిమా పరిశ్రమలో అగ్ర నటులతో సహా చాలామంది నటులు తమ తమ సినిమాల చిత్రీకరణలో చాలా బిజీగా ఉండటం ఆసక్తికరం. ఎవరు ఎక్కడ చిత్రీకరణ చేస్తున్నారో పూర్తి వివరాలు
చాలా రోజుల తరువాత తెలుగు చలన చిత్ర పరిశ్రమలో అగ్రనటులు అందరూ తమ తమ సినిమా షూటింగ్స్ తో బిజీగా వున్నారు. చిరంజీవి (Chiranjeevi), మహేష్ బాబు (MaheshBabu), ప్రభాస్ (Prabhas), అల్లు అర్జున్ (AlluArjun), ఎన్టీఆర్ (NTR) ఇలా ఒక్కరేమిటి అందరూ తమ సినిమాల చిత్రీకరణలో చాలా బిజీగా వున్నారు. ఆసక్తికరం అంశం ఏంటంటే, అందరూ హైదరాబాద్, ఆ చుట్టుపక్కల ప్రాంతంలో ఎక్కువగా చిత్రీకరణ చేస్తున్నారు.
మెగాస్టార్ చిరంజీవి మాత్రం వశిష్ట కాంబినేషన్ లో చెయ్యబోయే సినిమాకి త్వరలో మారేడుమిల్లికి వెళ్లనున్నట్టు సమాచారం. ఇది ఒక ఫాంటసీ సినిమా, ఇందులో చిరంజీవి పక్కన నలుగురు కథానాయికలు ఉంటారని కూడా వినిపిస్తోంది. అందులో అనుష్క శెట్టి (AnushkaShetty) ఒకరు. ఇక ప్రభాస్, దర్శకుడు నాగ్ అశ్విన్ (NagAshwin) సినిమా 'కల్కి 2898 ఏడి' #Kalki2898AD కూడా హైదరాబాదు దగ్గరలో వున్న శంకరపల్లిలో జరుగుతోందని తెలిసింది. అలాగే ఇంకో అగ్ర నటుడు మహేష్ బాబు సినిమా 'గుంటూరు కారం' #GunturKaaram కోటి ఉమెన్స్ కాలేజీలో జరుగుతోందని తెలిసింది. దీనికి త్రివిక్రమ్ శ్రీనివాస్ దర్శకుడు.
ఏ నటుడు ఎక్కడ షూటింగ్ చేస్తున్నారు అనే వివరాలు మొత్తం:
చిరంజీవి: మెగాస్టార్, వశిష్ట కాంబో సినిమా షూటింగ్ నవంబరు 23 నుంచి రాజమండ్రి దగ్గర వున్న మారేడుమిల్లిలో జరుగనుంది
ప్రభాస్: రెబల్ స్టార్ ప్రభాస్, నాగ్ అశ్విన్ కాంబినేషన్ లో తెరకెక్కుతున్న 'కల్కి' సినిమా షూటింగ్ శంకరపల్లి లో జరుగుతుంది..
మహేష్ బాబు: సూపర్ స్టార్ మహేష్ బాబు, త్రివిక్రమ్ సినిమా 'గుంటూరు కారం' షూటింగ్ కోటి ఉమెన్స్ కాలేజ్ లో జరుగుతోంది.
ఎన్టీఆర్: యంగ్ టైగర్ ఎన్టీఆర్, కొరటాల శివ కలిసి చేస్తున్న 'దేవర' #Devara సినిమా షూటింగ్ అల్యూమినియం ఫ్యాక్టరీ లో జరుగుతోంది.
అల్లు అర్జున్: ఉత్తమ నటుడిగా జాతీయ అవార్డు అందుకున్న ఐకాన్ స్టార్ అల్లు అర్జున్, సుకుమార్ తో కలిసి చేస్తున్న 'పుష్ప 2' #Pushpa2 సినిమా షూటింగ్ రామోజీ ఫిలిం సిటీలో జరుగుతుంది..
నాగార్జున: సంక్రాంతి పండగ కి రెడీ అని చెప్పిన అక్కినేని నాగార్జున సినిమా 'నా సామి రంగ' షూటింగ్ అల్యూమినియం ఫ్యాక్టరీలో జరుగుతుంది..
బాలకృష్ణ: నందమూరి బాలకృష్ణ, దర్శకుడు బాబీ కొల్లి కాంబినేషన్ లో వస్తున్నా సినిమా షూటింగ్ ఊటీలో జరుగుతోంది.
రవితేజ: రవితేజ రెండు మూడు సినిమాలతో బిజీగా వున్నారు, అందులో ఒకటి దర్శకుడు కార్తిక్ ఘట్టమనేని తో చేస్తున్న 'ఈగల్' చిత్రం షూటింగ్ అల్యూమినియం ఫ్యాక్టరీ లో జరుగుతుంది..
నాని: నాని ఒకపక్క 'హాయ్ నాన్న' సినిమా ప్రచారాలు చేస్తూనే, ఇంకో పక్క దర్శకుడు వివేక్ ఆత్రేయ తో చేస్తున్న 'సరిపోదా శనివారం' సినిమా షూటింగ్ కాచిగూడలో జరుగుతుంది.
గోపిచంద్: చాలా కాలం తరువాత దర్శకుడు శ్రీను వైట్ల మెగాఫోన్ పట్టుకున్నారు. ఈసారి గోపీచంద్ లో తీస్తున్న ఈ చిత్రం షూటింగ్ గోవాలో జరుగుతుంది..
కమలహాసన్: తెలుగు, తమిళ ప్రేక్షకుల్లో తనకంటూ ప్రత్యేకంగా అభిమానులను పెంచుకున్న కమల్ హాసన్, శంకర్ ల 'భారతీయుడు 2' షూటింగ్ వైజాగ్ లో జరుగుతోంది.