NTR 30: విలన్ పాత్ర కోసం సైఫ్ అలీ ఖాన్‌తో చర్చలు!

జూనియర్ ఎన్టీఆర్ (Jr. NTR) చివరగా ‘ఆర్ఆర్ఆర్’ లో నటించారు. తారక్ నెక్ట్స్ ప్రాజెక్టుని పట్టాలెక్కించేందుకు చాలా సమయం తీసుకున్నారు. ప్రస్తుతం కొరటాల శివ (Koratala Siva) దర్శకత్వంలో నటిస్తున్నారు. ఈ మూవీ వర్కింగ్ టైటిల్‌గా ‘ఎన్టీఆర్ 30’ (NTR 30) అని వ్యవహరిస్తున్నారు. సినిమా షూటింగ్ ఈ మధ్యనే ప్రారంభమైంది. ఒక్క షెడ్యూల్ కూడా పూర్తి కాకుండానే చిత్ర బృందానికి ఓ స్టార్ నటుడు షాక్ ఇచ్చారు. సినిమాలో నటించమని కోరినప్పటికీ ఆ ఆఫర్‌‌ను తిరస్కరించారు.

‘ఎన్టీఆర్ 30’ పాన్ ఇండియాగా రూపొందుతుంది. పలు భాషల్లో ప్రేక్షకుల ముందుకు రానుంది. అందువల్ల విలన్ పాత్ర కోసం మేకర్స్ పలువురితో చర్చలు జరుపుతున్నారు. సైఫ్ అలీ ఖాన్ (Saif Ali Khan) తో సంప్రదింపులు జరుపుతున్నారని వినికిడి. ఆయన కూడా టాలీవుడ్‌కు ఎంట్రీ ఇవ్వడానికి మొగ్గు చూపుతున్నారని తెలుస్తోంది. కానీ, కాంట్రాక్ట్‌పై సంతకం చేయలేదని సమాచారం అందుతుంది. మరి, ఈ సినిమాలో సైఫ్ అలీ ఖాన్ నటిస్తారా లేదా అనేది తెలియాలంటే చిత్ర బృందం నుంచి ప్రకటన వచ్చే వరకు వేచి చూడాల్సిందే.

‘ఎన్టీఆర్ 30’ ని యువ సుధా ఆర్ట్స్, ఎన్టీఆర్ ఆర్ట్స్ కలసి సంయుక్తంగా నిర్మిస్తున్నాయి. సముద్ర తీరాల నేపథ్యంలో భారీ బడ్జెట్‌తో రూపొందిస్తున్నాయి. ఈ చిత్రంలో జాన్వీ కపూర్ (Janhvi Kapoor) హీరోయిన్ పాత్రను చేస్తున్నారు. అనిరుధ్ మ్యూజిక్ అందిస్తున్నారు. కెన్నీ బేట్స్ యాక్షన్ సీన్స్‌ను కంపోజ్ చేస్తున్నారు. ఈ మూవీ వచ్చే ఏడాది ఏప్రిల్ 5న ప్రపంచవ్యాప్తంగా విడుదల కానుంది. ఎన్టీఆర్, కొరటాల శివ కలసి గతంలో ‘జనతా గ్యారేజ్’ కు పని చేశారు. తాజాగా రెండోసారి కలసి పనిచేయబోతున్నారు.

^^^^^^^^^^^^^^^^^^^^^^^^^^^^^^^^^^

Nani-Balakrishna: నానికి 35.. బాలకృష్ణకు 36

Janhvi Kapoor: స్టేజ్‌పై డ్యాన్స్.. ట్రోల్ చేస్తున్న నెటిజన్స్..

Dasara: సీన్‌ను తొలగించాలని డిమాండ్.. థియేటర్స్ వద్ద ధర్నా..

Koffee With Karan: భార్యతో కలిసి రావాలంటూ సౌత్ స్టార్ హీరోలకు పిలుపు.. బుక్ చేస్తాడేమో చూసుకోండి..

Web Series: భారత్‌లో ఎక్కువ మంది వీక్షించిన వెబ్ సిరీస్ ఏంటో తెలుసా..?

SSMB29: మహేశ్ సినిమా కోసం రాజమౌళి వర్క్‌షాప్స్