Ram Charan: బుచ్చి బాబు ప్రాజెక్టు స్పానిష్ మూవీకి ఫ్రీ‌మేకా..?

తొలి సినిమా ‘ఉప్పెన’ (Uppena) తోనే బంపర్ హిట్ కొట్టిన దర్శకుడు బుచ్చి‌బాబు సానా (Buchibabu Sana). ఈ చిత్రం సంచలన విజయం సాధించింది. బాక్సాఫీస్ వద్ద రూ.100కోట్లకు పైగా గ్రాస్ వసూళ్లను రాబట్టింది. ‘ఉప్పెన’ తర్వాత బుచ్చిబాబు మరే మూవీ చేయలేదు. జూనియర్ ఎన్టీఆర్‌తో సినిమా చేయాలని చూశాడు. కానీ, తారక్ వేరే ప్రాజెక్టులతో ఫుల్ బిజీగా ఉండటంతో కాంబో కుదరలేదు. ఇదే సబ్జెక్ట్‌ను రామ్ చరణ్ (Ram Charan)కు వినిపించగా సినిమా చేసేందుకు అంగీకరించాడు. ఈ ప్రాజెక్టుకు వర్కింగ్ టైటిల్‌గా ‘ఆర్‌సీ16’ అని వ్యవహరిస్తున్నారు. ఈ చిత్రానికీ సంబంధించిన ఓ అప్‌డేట్ ఫిల్మ్‌నగర్‌లో హల్‌చల్ చేస్తుంది. అదేంటంటే..

‘ఆర్‌సీ16’ స్క్రిఫ్ట్‌ను స్పానిష్ మూవీ ‘ఛాంపియన్స్’ (Champions)ను ఆధారంగా చేసుకుని రూపొందించారని తెలుస్తోంది. ఛాంపియన్స్‌లో.. తాగుబోతు కోచ్ పాత్రలో హీరో కనిపిస్తాడు. దేశ వికలాంగుల టీమ్‌కు కోచింగ్ ఇస్తాడు. అతడి కోచింగ్‌తో అరితేరిన జట్టు ఏ విధంగా పతకాన్ని సాధించిందనేదే కథ. ఈ మూవీకీ ఫ్రీమేక్‌గా ‘ఆర్‌సీ16’ రూపొందుతున్నట్టు సమాచారం. ‘ఛాంపియన్స్’ ను ఆమిర్ ఖాన్ హిందీలో రీమేక్ చేస్తున్నాడు. ఆర్. ప్రసన్న ఈ చిత్రాన్ని తెరకెక్కించనున్నాడు. ‘ఆర్‌సీ16’ కు పెద్ది టైటిల్ ప్రచారంలో ఉంది. స్పోర్ట్స్ బయోగ్రఫీ నేపథ్యంలో తెరకెక్కనుందని గుసగుసలు వినిపిస్తున్నాయి.

రామ్ చరణ్ కెరీర్ విషయానికి వస్తే.. ‘ఆర్ఆర్ఆర్’ (RRR) లో చివరగా కనిపించాడు. ఈ సినిమాతో వరల్డ్ వైడ్‌గా ఫేమ్‌ను సంపాదించుకున్నాడు. అందువల్ల చెర్రీ నుంచి వచ్చే చిత్రాల కోసం ప్రేక్షకులందరు ఆసక్తిగా ఎదురుచూస్తున్నారు. ప్రస్తుతం శంకర్ దర్శకత్వంలో ‘ఇండియన్ 2’ లో (Indian 2) నటిస్తున్నాడు. కియారా అడ్వాణీ హీరోయిన్‌గా నటిస్తుంది. ఈ మూవీ షూటింగ్ ఇప్పటికే 60శాతానికి పైగా పూర్తయింది. ఈ ఏడాదిలోనే ప్రేక్షకుల ముందుకు చిత్రాన్ని తీసుకువస్తామని మేకర్స్ చెప్పారు.