Allu Arjun: అల్లు అర్జున్ తో త్రిష, ఇంతకీ విషయం ఏంటంటే...
ABN , First Publish Date - 2023-11-22T13:28:36+05:30 IST
అల్లు అర్జున్ మళ్ళీ త్రివిక్రమ్ శ్రీనివాస్ తో AA22 సినిమా కోసం చేతులు కలుపుతున్నారని ఒక వార్త వైరల్ అయింది. ఈ సినిమాలో కథానాయకురాలు ఎవరు అనే విషయం కూడా నిర్ధారణ అయిపోయిందని వార్త కూడా నడుస్తోంది
జాతీయ ఉత్తమ నటుడుగా అవార్డు అందుకున్న అల్లు అర్జున్ (AlluArjun) లైనప్ చాలా ఆసక్తికరంగా వుంది. ప్రస్తుతం దర్శకుడు సుకుమార్ (Sukumar) తో 'పుష్ప 2' #Pushpa2 షూటింగ్ లో బిజీగా వున్న అల్లు అర్జున్ రాబోయే రోజుల్లో చెయ్యబోయే దర్శకుల జాబితా చూస్తే అల్లు అర్జున్ కెరీర్ బ్రహ్మాండంగా ఉంటుంది అని చెప్పొచ్చు. సినిమా ప్రేక్షకులు ఎంతో ఆసక్తిగా ఎదురు చూస్తున్న సినిమా 'పుష్ప 2', వచ్చే సంవత్సరం ఆగష్టు 15న విడుదలవుతుంది.
తరువాత అల్లు అర్జున్ ఇంకో అగ్ర దర్శకుడు త్రివిక్రమ్ శ్రీనివాస్ (TrivikramSrinivas) తో చేస్తున్నారు అని టాక్ నడుస్తోంది. ప్రస్తుతం త్రివిక్రమ్, మహేష్ బాబు (MaheshBabu) తో 'గుంటూరు కారం' #GunturKaaram సినిమాతో బిజీగా వున్నారు. ఈ సినిమా రాబోయే సంక్రాంతి పండగకు విడుదలవుతోంది. ఇదిలా ఉంటే ఈ సినిమా పూర్తయ్యాక త్రివిక్రమ్ తదుపరి సినిమా అల్లు అర్జున్ తో ఉంటుంది అని చెపుతున్నారు. దీనినే #AA22 గా పిలుస్తున్నారు.
ఇదిలా ఉండగా, అల్లు అర్జున్, త్రివిక్రమ్ కాంబినేషన్ సినిమాకి కథానాయకురాలు కూడా ఇప్పుడే నిర్ణయించేశారని కూడా వార్తలు వైరల్ అవుతున్నాయి. ఒకప్పుడు తెలుగు సినిమాలలో అగ్ర నటిగా వుంది, ఇప్పుడు ఎక్కువగా తమిళ సినిమాలకే ప్రాధాన్యం ఇస్తున్న త్రిష (Trisha) ఈ సినిమాలో అల్లు అర్జున్ పక్కన నటిస్తోంది అనే వార్త బాగా వైరల్ అవుతోంది. త్రిష ఈమధ్య కాలంలో తెలుగులో ఒక పెద్ద సినిమా ఏదీ చెయ్యలేదు.
ఇప్పుడు అల్లు అర్జున్ సినిమాతో తెలుగులో మళ్ళీ ఎంట్రీ ఇవ్వాలని అనుకుంటోందని వార్త. అయితే ఇందులో ఎంత నిజం వున్నదీ తెలియదు, ఎందుకంటే త్రిష ఇప్పుడు వార్తల్లో వున్న నటి. తమిళ క్యారెక్టర్ నటుడు మన్సూర్ అలీ ఖాన్ (MansoorAliKhan) కొన్ని రోజుల క్రితం త్రిష గురించి కొన్ని అసభ్యకరమైన వ్యాఖ్యలు చేసాడు, వాటిని త్రిష తన సాంఘీక మాధ్యమంలో ఖండించింది. అలాగే త్రిషకి మద్దతుగా చిరంజీవి (Chiranjeevi), నితిన్ (Nithiin) తో పాటు చాలామంది తెలుగు, తమిళ నటులు సాంఘీక మాధ్యమంలో మన్సూర్ వ్యాఖ్యలని ఖండిస్తూ ప్రకటించారు.
అల్లు అర్జున్ రాబోయే రోజుల్లో తమిళంలో అగ్ర దర్శకులు అయిన అట్లీ (Atlee), లోకేష్ కనగరాజ్ (LokeshKanagaraj), అలాగే బాలీవుడ్ టాప్ దర్శకుడు ఒకరితో, ఇంకా బోయపాటి, సురేందర్ రెడ్డి ఇలా చాలామంది తో దర్శకులతో సినిమాలు ఉన్నాయని వార్తలు వస్తున్నాయి. అల్లు అర్జున్ తో సినిమాలు చెయ్యడానికి దర్శకులు పోటీ పడుతున్నారు అంటే అందులో ఆశ్చర్యం ఏమీ లేదు. ఎందుకంటే అతను 'పుష్ప' సినిమాతో ప్రపంచ వ్యాప్తంగా పేరు సంపాదించాడు.