ఈసారి మిస్టర్‌ ఇడియట్‌

రవితేజ సోదరుడు రఘు తనయుడు మాధవ్‌ హీరోగా నటిస్తున్న చిత్రానికి ‘మిస్టర్‌ ఇడియట్‌’ అనే టైటిల్‌ ఖరారయింది. సిమ్రాన్‌శర్మ హీరోయున్‌గా నటిస్తున్న ఈ చిత్రానికి గౌరీ రోణంకి దర్శకత్వం వహిస్తున్నారు. జేజేఆర్‌ రవిచంద్‌ నిర్మిస్తున్నారు. ఈ సినిమా టైటిల్‌ పోస్టర్‌, ప్రీలుక్‌ను రవితేజ ఆదివారం ఆవిష్కరించారు. ఆయన మాట్లాడుతూ ‘నా కెరీర్‌లో ‘ఇడియట్‌’ సినిమాకు ఎంత ప్రాముఖ్యం ఉందో తెలిసిందే. ఇప్పుడు మా రఘు కొడుకు మాధవ్‌కు కూడా ఈ సినిమా పెద్ద హిట్‌ అవ్వాలి’ అని ఆకాంక్షించారు. నవంబర్‌లో చిత్రాన్ని విడుదల చేస్తామని నిర్మాత తెలిపారు.