ఈ విజయం ఊహించలేదు
ABN , First Publish Date - 2023-07-23T02:55:24+05:30 IST
‘‘సామజవరగమన తప్పకుండా ప్రేక్షకులకు నచ్చుతుందని తెలుసు. కానీ ఈ స్థాయి విజయాన్ని అస్సలు ఊహించలేదు. బాక్సాఫీసు దగ్గర వసూళ్లు చూసి నేనే షాకయ్యా’’ అన్నారు రాజేశ్ దండా...
‘‘సామజవరగమన తప్పకుండా ప్రేక్షకులకు నచ్చుతుందని తెలుసు. కానీ ఈ స్థాయి విజయాన్ని అస్సలు ఊహించలేదు. బాక్సాఫీసు దగ్గర వసూళ్లు చూసి నేనే షాకయ్యా’’ అన్నారు రాజేశ్ దండా. ఆయన నిర్మాతగా వ్యవహరించిన చిత్రం ‘సామజవరగమన’. శ్రీవిష్ణు కథానాయకుడిగా నటించిన ఈ చిత్రం మంచి విజయాన్ని అందుకొంది. ఈ సందర్భంగా శనివారం రాజేశ్ దండా హైదరాబాద్లో విలేకరులతో మాట్లాడారు. ‘‘కథ విన్నప్పుడే నాకు బాగా నచ్చింది. దర్శకుడు ఏదైతే చెప్పాడో అదే తీశాడు. శ్రీవిష్ణు, నరేశ్ పాత్రలు బాగా పేలాయి. నేను పంపిణీదారుడిగానే పరిశ్రమలోకి అడుగుపెట్టా. అందుకే ఈ సినిమాని సొంతంగా విడుదల చేశా. నేను తీసుకొన్న అత్యుత్తమ నిర్ణయాల్లో అదొకటి. మా సంస్థ నుంచి ‘ఊరి పేరు భైరవ కోన’ త్వరలోనే విడుదల కానుంది. ఇదో విభిన్నమైన ప్రయత్నం. ఈ చిత్రంపై కూడా నాకు గట్టి నమ్మకం ఉంద’’న్నారు.