Agent: పేరుకి రామా కృష్ణా.. పాటంతా ఇంగ్లీష్ పదాలే..

ABN , First Publish Date - 2023-04-13T19:39:16+05:30 IST

అక్కినేని హీరో అఖిల్, స్టైలిష్ మేకర్ సురేందర్ రెడ్డి కాంబినేషన్‌లో తెరకెక్కుతోన్న ‘ఏజెంట్’ చిత్రం నుంచి ‘రామా కృష్ణా’ సాంగ్ విడుదలైంది. ఈ పాట ఎలా ఉందంటే..

Agent: పేరుకి రామా కృష్ణా.. పాటంతా ఇంగ్లీష్ పదాలే..

Akhil Akkineni in Agent Movie

అక్కినేని హీరో అఖిల్ (Akhil Akkineni) నటిస్తున్న మోస్ట్ ఎవైటెడ్ పాన్ ఇండియా మూవీ ‘ఏజెంట్’ (Agent). ఏప్రిల్ 28న థియేటర్లలోకి రాబోతోన్న ఈ చిత్రాన్ని.. స్టైలిష్ మేకర్ సురేందర్ రెడ్డి (Surender Reddy) తెరకెక్కించారు. ఈ సినిమాకు సంబంధించి ఇప్పటికే విడుదలైన కంటెంట్‌కు దేశవ్యాప్తంగా మంచి స్పందన వచ్చిన విషయం తెలిసిందే. ముఖ్యంగా ఏజెంట్ టీజర్ నేషనల్ వైడ్ ట్రెండ్ అవ్వగా, పాటలు కూడా మ్యూజిక్ చార్ట్‌లలో అగ్రస్థానంలో ఉన్నాయి. తాజాగా మేకర్స్ ఏజెంట్ నుంచి బాయ్స్ సెలబ్రేట్ చేసుకునే బ్రేక్-అప్ సాంగ్ ‘రామాకృష్ణా’ పాటని (Rama Krishna Lyrical Song) విడుదల చేశారు. ఇది బ్రేక్-అప్ సాంగ్ అయినప్పటికీ, అఖిల్ ఈ అకేషన్‌ని జరుపుకోవడంతో పండుగ వైబ్‌తో అలరిస్తోంది.

హీరో జీవితాన్ని బ్రేకప్ ప్రభావితం చేయలేదని చాలా ఆసక్తికరంగా వినోదాత్మకంగా చెప్పారు. అకాడమీ అవార్డు గ్రహీత చంద్రబోస్ (Chandra Bose) ఈ పాటకు సాహిత్యం అందించారు. హిప్ హాప్ తమిళ (Hip Hop Thamizha) పెప్పీ నంబర్‌ని స్కోర్ చేయగా, రామ్ మిర్యాల (Ram Miriyana) ఈ పాటని ఎనర్జిటిక్‌గా పాడారు. అయితే ఇప్పటి యూత్‌కు కనెక్ట్ కావాలని కాబోలు.. ‘పాటలో రామా కృష్ణా అని ఉన్నా.. పాటంతా ఇంగ్లీష్ పాదాలే ఎక్కువగా వినిపించాయి. అఖిల్ ఒక సాధువులా కాషాయ దుస్తులు ధరించి కనిపించడం సర్ ప్రైజింగ్‌గా వుంది. బీట్స్‌తో దుమ్మురేపేలా ఉన్న ఈ పాటలో అఖిల్ గ్రేస్ ఫుల్ డ్యాన్స్‌లు ప్రత్యేక ఆకర్షణగా నిలిచాయి. కలర్‌ఫుల్ సెట్‌లో చిత్రీకరించిన పాటలో సాక్షి వైద్య (Sakshi Vaidya) కూడా కాషాయం ధరించి కనిపించింది. శేఖర్ మాస్టర్ కొరియోగ్రఫీ అందించారు. ప్రస్తుతం ఈ పాట టాప్‌లో ట్రెండ్ అవుతోంది. (Rama Krishna Lyrical Song From Agent)

కాగా దర్శకుడు సురేందర్ రెడ్డి మునుపెన్నడూ చూడని అవతార్, క్యారెక్టర్‌లో అఖిల్‌ని ప్రెజెంట్ చేస్తున్నట్లుగా ఇప్పటి వరకు విడుదలైన పోస్టర్స్, టీజర్ చెబుతున్నాయి. మలయాళ సూపర్ స్టార్ మమ్ముట్టి (Mammootty) ఈ సినిమాలో కీలక పాత్రలో నటిస్తున్నారు. ఎకె ఎంటర్‌టైన్‌మెంట్స్, సురేందర్ 2 సినిమా పతాకాలపై రామబ్రహ్మం సుంకర నిర్మిస్తున్న ఈ చిత్రానికి కథను వక్కంతం వంశీ అందించగా.. జాతీయ అవార్డు గ్రహీత నవీన్ నూలి ఎడిటర్‌‌గా, అవినాష్ కొల్లా ఆర్ట్ డైరెక్టర్‌గా.. రసూల్ ఎల్లోర్ కెమెరా మెన్‌గా పని చేస్తున్నారు. తెలుగు, హిందీ, తమిళం, కన్నడ, మలయాళ భాషల్లో ఏక కాలంలో ఈ చిత్రం విడుదల కాబోతోంది. (Akhil Movie Agent)