Plant Man : కొత్త తరహా కామెడీ చిత్రం ‘ప్లాంట్‌ మ్యాన్‌’ ఫస్ట్‌లుక్‌ విడుదల
ABN , First Publish Date - 2023-08-30T23:52:47+05:30 IST
కాలింగ్‌ బెల్‌, రాక్షసి వంటి హారర్‌ మూవీస్‌తో ఆడియన్స్‌ని థ్రిల్‌ చేసిన డైరెక్టర్‌ పన్నా రాయల్‌ ఇప్పుడు ‘ఇంటి నెం.13’ చిత్రంతో ప్రేక్షకుల ముందుకు రాబోతున్నారు. ప్రస్తుతం పోస్ట్‌ ప్రొడక్షన్‌ వర్క్‌ జరుపుకుంటున్న ఈ సినిమా త్వరలోనే రిలీజ్‌ కాబోతోంది.
కాలింగ్‌ బెల్‌, రాక్షసి వంటి హారర్‌ మూవీస్‌తో ఆడియన్స్‌ని థ్రిల్‌ చేసిన డైరెక్టర్‌ పన్నా రాయల్‌ ఇప్పుడు ‘ఇంటి నెం.13’ చిత్రంతో ప్రేక్షకుల ముందుకు రాబోతున్నారు. ప్రస్తుతం పోస్ట్‌ ప్రొడక్షన్‌ వర్క్‌ జరుపుకుంటున్న ఈ సినిమా త్వరలోనే రిలీజ్‌ కాబోతోంది. ఇదిలా ఉంటే.. పన్నా రాయల్‌ డిఎం యూనివర్సల్‌ స్టూడియోస్‌ అనే బేనర్‌ను స్థాపించారు. ఈ బేనర్‌ ద్వారా కొత్తవారిని ప్రోత్సహించాలని నిర్ణయించుకున్నారు. అందులో భాగంగానే డైరెక్టర్‌ పన్నా రాయల్‌ తనే నిర్మాతగా మారి డిఎం యూనివర్సల్‌ స్టూడియోస్‌ పతాకంపై ‘ప్లాంట్‌ మ్యాన్‌’ అనే సినిమాను నిర్మించారు. ఈ సినిమా ద్వారా కె.సంతోష్‌బాబు దర్శకుడిగా పరిచయమవుతున్నారు. పన్నా రాయల్‌ దర్శకత్వ పర్యవేక్షణలో ఈ సినిమా రూపొందుతోంది.
ఇప్పటి వరకు మనం చూడని కొత్త తరహా కామెడీ మూవీ ఇది. సైంటిఫిక్‌ కామెడీ ఎక్స్‌పెరిమెంట్‌గా వస్తున్న ‘ప్లాంట్‌ మ్యాన్‌’ ఔట్‌ అండ్‌ ఔట్‌ కామెడీ మూవీ. కుటుంబ సభ్యులతో కలిసి హాయిగా ఎంజాయ్‌ చేసేలా ఈ సినిమాను రూపొందించారు. సినిమాటోగ్రఫీ విషయంలోగానీ, మ్యూజిక్‌ విషయంలోగానీ ఎక్కడా రాజీ పడకుండా ఈ సినిమాను నిర్మించారు. ఈ సినిమాకు సంబంధించిన ఫస్ట్‌లుక్‌ను మంగళవారం విడుదల చేశారు. ఇకపై కూడా తమ బేనర్‌లో కొత్తవారికి అవకాశం ఇచ్చి చిన్న సినిమాలు నిర్మిస్తామని ఈ సందర్భంగా నిర్మాత పన్నా రాయల్‌ తెలిపారు.