100% entertainment guaranteed :వంద శాతం వినోదం గ్యారంటీ

పవన్‌కల్యాణ్‌, సాయిధరమ్‌ తేజ్‌ తొలిసారిగా కలసి నటించిన ‘బ్రో’ చిత్రం కోసం పీపుల్‌ మీడియా ఫ్యాక్టరీ జీ స్టూడియో్‌సతో చేతులు కలిపింది. ఈ నెల 28న విడుదల కానుంది. సముద్రఖని దర్శకత్వం వహించారు. వైజాగ్‌లో అభిమానుల సమక్షంలో ట్రైలర్‌ విడుదల చేశారు. ‘మీ ప్రేమ పొందడం కోసం ఇంత దూరం వచ్చాను. ట్రైలర్‌ మీ అందరికీ నచ్చడం చాలా ఆనందంగా ఉంది.’ అంటూ ‘నాకు కొంచెం తిక్కుంది’ అనే పవన్‌కల్యాణ్‌ ఫేమస్‌ డైలాగ్‌ చెప్పి అభిమానుల్లో ఉత్సాహం నింపారు సాయిధరమ్‌ తేజ్‌. ‘ట్రైలర్‌ మిమ్మల్ని ఎంతగా అలరించిందో దానికి వంద రెట్లు వినోదంతో సినిమా ఆకట్టుకుంటుంది’ అన్నారు నిర్మాత విశ్వప్రసాద్‌. ఈ సినిమా కోసం ఎంతో ఆశగా ఎదురు చూస్తున్నానని కేతిక శర్మ చెప్పారు. ట్రైలర్‌ శాంపిల్‌ మాత్రమేనని, సినిమాలో ఎన్నో సర్‌ప్రైజ్‌లు ఉంటాయని సంగీత దర్శకుడు తమన్‌ తెలిపారు.