సినిమానే సమాధానం చెబుతుంది

రక్షిత్‌ కథానాయకుడిగా నటించిన చిత్రం ‘నరకాసుర’. సెబాస్టియన్‌ దర్శకుడు. అజ్జా శ్రీనివాస్‌ నిర్మాత. శనివారం టీజర్‌ విడుదల చేశారు. ఈ సందర్భంగా రక్షిత్‌ మాట్లాడుతూ ‘‘పలాస తరవాత మూడేళ్లు గ్యాప్‌ వచ్చింది. దాంతో కొంతమంది హేళన చేశారు. వాళ్లందరికీ ఈ సినిమానే సమాధానం చెబుతుంది. ఈ సినిమా కోసం రెండేళ్లు కష్టపడ్డాం. దానికి తగిన ఫలితం వస్తుంద’’న్నారు. దర్శకుడు మాట్లాడుతూ ‘‘ఈ సినిమా కోసం ఎంతో కష్టపడ్డాం. ఎన్నో త్యాగాలు చేశాం. ఇలాంటి అవుట్‌పుట్‌ వస్తుందని అస్సలు అనుకోలేదు. రషెష్‌ చూశాం. చాలా సంతృప్తి కలిగింద’’న్నారు దర్శకుడు.