శ్రుతి పెళ్లి కుదిరిందా..?
ABN , First Publish Date - 2023-01-27T04:58:02+05:30 IST
ఈ యేడాది వరుస విజయాలతో శుభారంభం చేసింది శ్రుతిహాసన్. సంక్రాంతికి వచ్చిన ‘వీరసింహారెడ్డి’, ‘వాల్తేరు వీరయ్య’ రెండు చిత్రాల్లోనూ తనే కథానాయిక...
ఈ యేడాది వరుస విజయాలతో శుభారంభం చేసింది శ్రుతిహాసన్. సంక్రాంతికి వచ్చిన ‘వీరసింహారెడ్డి’, ‘వాల్తేరు వీరయ్య’ రెండు చిత్రాల్లోనూ తనే కథానాయిక. రాబోయే ‘సలార్’లోనూ మెరవబోతోంది. కెరీర్ పరంగా టాప్ గేర్లో దూసుకుపోతున్న శ్రుతి ఇప్పుడు జీవితంలోనూ స్థిరపడాలనుకొంటోంది. ఈ యేడాది శ్రుతి పెళ్లి చేసుకోబోతున్నట్టు టాలీవుడ్ టాక్. తాను ప్రేమలో ఉన్నట్టు ఇది వరకే ప్రకటించింది. శాంతాను హజారికతో డేటింగ్ చేస్తోంది. ఆమధ్య ఇద్దరూ కలిసి విహార యాత్రలకూ వెళ్లొచ్చారు. ఈ ప్రేమ బంధాన్ని పెళ్లిగా మార్చుకోవాలని శ్రుతి భావిస్తోందట. శ్రుతి వయసు ఇప్పుడు 36 ఏళ్లు. తనకంటే జూనియర్లు పెళ్లి చేసుకొని సెటిలైపోతున్నారు. అందుకే శ్రుతి ఈ నిర్ణయం తీసుకొందట. పెళ్లయినా సినిమాలు చేసేలా.. కెరీర్ ప్లాన్ చేసుకొంటోందట. శ్రుతి ప్రేమ వ్యవహారం ఇంట్లో అందరికీ తెలుసు. వాళ్లు కూడా గ్రీన్ సిగ్నల్ ఇచ్చారని, అందుకే పెళ్లికి త్వరపడుతోందని టాక్.