దేశం కోసం

దేశ స్వాతంత్య్రం కోసం ప్రాణాలు అర్పించిన సమరయోధుల చరిత్రను ఆధారంగా చేసుకుని రూపొందించిన ‘దేశం కోసం భగత్‌సింగ్‌’ చిత్రం అన్ని కార్యక్రమాలు పూర్తి చేసుకుని విడుదలకు సిద్ధమైంది. నటుడు, నిర్మాత రవీంద్ర గోపాల ఈ సినిమాను స్వీయ దర్శకత్వంలో నిర్మించారు. ఇందులో రవీంద్ర, రాఘవ, మనోహర్‌ ప్రధాన పాత్రలు పోషించారు. సూర్య, జీవా , ప్రసాద్‌ బాబు, అశోక్‌కుమార్‌, సుధ ఇతర ముఖ్య తారాగణం. త్వరలో ఈ సినిమాను విడుదల చేస్తామని రవీంద్ర గోపాల చెప్పారు. ఈ చిత్రానికి మాటలు: సూర్యప్రకాశ్‌, రవీంద్ర గోపాల, పాటలు: రవీంద్ర గోపాల, సంగీతం: ప్రమోద్‌కుమార్‌, ఛాయాగ్రహణం: సీవీ ఆనంద్‌.