Extra Ordinary Man: 300 మంది డాన్సర్స్‌తో దుమ్మురేపుతోన్న నితిన్-శ్రీలీల
ABN , First Publish Date - 2023-11-22T15:29:38+05:30 IST
నితిన్, శ్రీలీల హీరోహీరోయిన్లుగా రూపొందుతోన్న ఔట్ అండ్ ఔట్ ఎంట‌ర్‌టైన‌ర్‌ ‘ఎక్స్‌ట్రా - ఆర్డిన‌రీ మ్యాన్’. రైట‌ర్ - డైరెక్ట‌ర్ వ‌క్కంతం వంశీ ఈ సినిమాను తెర‌కెక్కిస్తున్నారు. ప్రస్తుతం శంషాబాద్‌లో వేసిన భారీ సెట్‌లో 300కి పైగా ఫారిన్ డాన్సర్స్‌తో జానీ మాస్టర్ కొరియోగ్రఫీలో పక్కా మాస్ సాంగ్‌ను హీరో నితిన్, శ్రీలీలపై చిత్రీకరిస్తున్నారు.
నితిన్ (Nithiin), శ్రీలీల (Sreeleela) హీరోహీరోయిన్లుగా రూపొందుతోన్న ఔట్ అండ్ ఔట్ ఎంట‌ర్‌టైన‌ర్‌ ‘ఎక్స్‌ట్రా - ఆర్డిన‌రీ మ్యాన్’ (Extra Ordinary Man). రైట‌ర్ - డైరెక్ట‌ర్ వ‌క్కంతం వంశీ (Vakkantham Vamsi) ఈ సినిమాను తెర‌కెక్కిస్తున్నారు. ప్రస్తుతం శంషాబాద్‌లో వేసిన భారీ సెట్‌లో 300కి పైగా ఫారిన్ డాన్సర్స్‌తో జానీ మాస్టర్ కొరియోగ్రఫీలో (Jani Master Choreography) పక్కా మాస్ సాంగ్‌ను హీరో నితిన్, శ్రీలీలపై (Nithiin and SreeLeela) చిత్రీకరిస్తున్నారు. ఈ పాట చిత్రీకరణతో ఎంటైర్ షూటింగ్ పూర్తవుతుంది. మరో వైపు పోస్ట్ ప్రొడక్షన్ కార్యక్రమాలు సైతం శరవేగంగా జరుగుతున్నాయి. ఈ సినిమాని ప్రపంచ వ్యాప్తంగా డిసెంబర్ 8న వరల్డ్ వైడ్‌గా గ్రాండ్‌గా మేకర్స్ రిలీజ్ చేయబోతున్నారు.
ఈ సినిమాకు సంబంధించి ఇప్పటి వరకు విడుదలైన ‘డేంజర్ పిల్ల...’, ‘బ్రష్ వేస్కో..’ సాంగ్స్ మంచి స్పందనను రాబట్టుకున్న విషయం తెలిసిందే. అలాగే రీసెంట్‌గా విడుదలైన టీజర్‌ సైతం సినిమాపై అంచనాలను పెంచేసింది. ఈ మూవీలో యూనిక్‌గా ఉన్న నితిన్ క్యారక్టరైజేషన్, మూవీ కాన్సెప్ట్ అందరినీ ఆకట్టుకుంటాయని.. నితిన్ ఈ చిత్రంలో జూనియర్ ఆర్టిస్ట్ క్యారెక్టర్‌లో కనిపించి తనదైన కామెడీ టైమింగ్‌తో ఎంటర్‌టైన్ చేయనున్నాడని మేకర్స్ చెబుతున్నారు. (Extra Ordinary Man Update)
ఇక ఈ మాస్ సాంగ్‌కి సంబంధించి నితిన్, శ్రీలీల ప్రాక్టీస్ చేస్తున్న ఓ చిన్న బిట్‌ను నితిన్ సోషల్ మీడియాలో షేర్ చేశారు. ఈ వీడియో ఇప్పుడు వైరల్ అవుతోంది. ఈ వీడియో చూస్తుంటే.. ఈ పాటకు నితిన్, శ్రీలీల దుమ్ములేచిపోయేలా డ్యాన్స్ చేయబోతున్నారనేది తెలుస్తోంది. మ్యూజికల్ జీనియ‌స్ హేరిస్ జయ‌రాజ్ సంగీతం అందిస్తోన్న ఈ సినిమాని శ్రేష్ఠ్ మూవీస్‌, ఆదిత్య‌మూవీస్ అండ్ ఎంట‌ర్ టైన్‌మెంట్స్, రుచిర ఎంట‌ర్‌టైన్‌మెంట్స్‌ బ్యాన‌ర్స్‌పై ఎన్.సుధాక‌ర్ రెడ్డి, నికితా రెడ్డి నిర్మిస్తున్నారు.