Eagle: ‘ఈగల్’ నుండి ‘గల్లంతే’ అప్‌డేట్ వచ్చేసింది

మాస్ మహారాజా రవితేజ (Mass Maharaja Ravi Teja) మోస్ట్ ఎవైటెడ్ యూనిక్ యాక్షన్ థ్రిల్లర్ ‘ఈగల్’ (Eagle). కార్తీక్ ఘట్టమనేని (Karthika Ghattamaneni) దర్శకత్వంలో పీపుల్ మీడియా ఫ్యాక్టరీ పతాకంపై తెరకెక్కిన ఈ చిత్రం 2024లో విడుదలవుతున్న భారీ అంచనాలున్న సినిమాల్లో ఒకటి. రీసెంట్‌గా విడుదలైన ‘ఈగల్’ ట్రైలర్ మంచి స్పందనను రాబట్టుకోవడమే కాకుండా.. సినిమాపై క్రేజ్ నెక్స్ట్ లెవల్‌కి తీసుకెళ్లింది. అలాగే ఈ చిత్ర ఫస్ట్ సింగిల్ ఊర మాస్ అంథమ్ ‘ఆడు మచ్చా’ పాట చార్ట్ బస్టర్ హిట్ అయ్యింది. ఇప్పుడు మేకర్స్ సెకండ్ సింగిల్ అప్డేట్ ఇచ్చారు. ఈగల్ సెకండ్ సింగిల్ ‘గల్లంతే’ పాట (Gallanthe Song)ని డిసెంబర్ 27న విడుదల చేస్తున్నట్లు మేకర్స్ అనౌన్స్ చేశారు. ఈ విషయం తెలుపుతూ ఓ పోస్టర్‌ను విడుదల చేశారు.

ఈ సాంగ్ పోస్టర్‌లో రవితేజ, కావ్య థాపర్‌ (Kavya Thapar)ల రొమాంటిక్ కెమిస్ట్రీ ఆకట్టుకుంటోంది. ఫస్ట్ సింగిల్ మాస్ సాంగ్ అయితే సెకండ్ సింగిల్ మనసుని హత్తుకునే మెలోడీగా ఉంటుందని అనౌన్స్‌మెంట్ పోస్టర్ సూచిస్తోంది. ‘ఈగల్’లో రవితేజ మల్టీపుల్ షేడ్స్ ఉన్న పాత్రలో అలరించనున్నారు. అనుపమ పరమేశ్వరన్ మరో కథానాయికగా నటిస్తుండగా.. నవదీప్, మధుబాల కీలక పాత్రలలో కనిపించనున్నారు. కార్తీక్ ఘట్టమనేని ఎడిటింగ్ మరియు దర్శకత్వం వహించిన ఈ చిత్రానికి మణిబాబు కరణంతో పాటు దర్శకుడు స్వయంగా స్క్రీన్ ప్లే రాశారు. టీజీ విశ్వ ప్రసాద్ ఈ చిత్రాన్ని నిర్మిస్తుండగా, వివేక్ కూచిభొట్ల సహ నిర్మాతగా వ్యవహరిస్తున్నారు. ఈ సినిమాని 2024 సంక్రాంతి కానుకగా జనవరి 13న ప్రపంచవ్యాప్తంగా భారీగా థియేటర్లలో విడుదల చేసేందుకు మేకర్స్ సన్నాహాలు చేస్తున్నారు.

ఇవి కూడా చదవండి:

====================

*Suhasini: ఇప్పుడొస్తున్న సినిమాలపై సుహాసిని హాట్ హాట్ కామెంట్స్

**********************************

*Bonda Mani: ప్రముఖ హాస్యనటుడు కన్నుమూత

*******************************

*Salaar: రికార్డ్ బ్రేకింగ్ బ్లాక్‌బస్టర్.. రెండో రోజూ కలెక్షన్ల ‘వరదే’!

********************************

*Sriya Reddy: పవన్ ‘ఓజీ’లో చేస్తున్నందుకు అంతా ఏమంటున్నారంటే?

*********************************