Kannappa: ‘కన్నప్ప’ నుండి క్రేజీ అప్డేట్.. ఎప్పుడంటే?
ABN , First Publish Date - 2023-11-21T22:27:43+05:30 IST
విష్ణు మంచు తన డ్రీమ్ ప్రాజెక్ట్ ‘కన్నప్ప’తో ప్రస్తుతం నేషనల్ వైడ్‌గా అందరి దృష్టిని ఆకర్షిస్తున్నారు. ప్రతీ ఇండస్ట్రీలోని ఓ స్టార్ ఈ కన్నప్పలో పాలు పంచుకుంటుండటంతో జాతీయ స్థాయిలో ఈ సినిమా గురించి చర్చలు జరుగుతున్నాయి. నవంబర్ 23 మంచు విష్ణు బర్త్‌డే‌ని పురస్కరించుకుని ఈ సినిమా నుంచి ఓ క్రేజీ అప్‌డేట్‌ను వదలబోతున్నట్లుగా మంచు విష్ణు సోషల్ మీడియా వేదికగా తెలియజేశారు.
విష్ణు మంచు తన డ్రీమ్ ప్రాజెక్ట్ ‘కన్నప్ప’తో ప్రస్తుతం నేషనల్ వైడ్‌గా అందరి దృష్టిని ఆకర్షిస్తున్నారు. ప్రతీ ఇండస్ట్రీలోని ఓ స్టార్ ఈ కన్నప్పలో పాలు పంచుకుంటుండటంతో జాతీయ స్థాయిలో ఈ సినిమా గురించి చర్చలు జరుగుతున్నాయి. మాలీవుడ్ సూపర్ స్టార్ మోహన్ లాల్, కన్నడ సూపర్ స్టార్ శివ రాజ్ కుమార్, తమిళ్ నుంచి విలక్షణ నటుడు శరత్ కుమార్ వంటి వారంతా కన్నప్పలో ముఖ్య పాత్రలను పోషిస్తున్నారు. డార్లింగ్, పాన్ ఇండియన్ స్టార్ ప్రభాస్ రాకతో ఈ సినిమాపై అందరి దృష్టి పడింది. ఈ చిత్రంలో మోహన్ బాబు సైతం ఓ కీ రోల్‌ను పోషిస్తున్నారు. ఈ చిత్రంలో టైటిల్ రోల్‌లో విష్ణు మంచు కనిపించబోతున్నారు. ప్రస్తుతం చిత్రయూనిట్ న్యూజిలాండ్‌లో షూటింగ్ చేస్తోంది. దాదాపు 80 శాతం షూటింగ్ అంతా కూడా న్యూజిలాండ్‌లోనే జరగనుంది. ఒళ్లు గగుర్పొడిచే యాక్షన్ సీక్వెన్స్, న్యూజిలాండ్‌లోని ప్రకృతి అందాలు ఈ సినిమాకు స్పెషల్ అట్రాక్షన్‌గా నిలవబోతున్నాయి. తాజాగా ఈ సినిమాకు సంబంధించి ఓ అప్‌డేట్‌ని మంచు విష్ణు సోషల్ మీడియా వేదికగా షేర్ చేశారు.
విష్ణు మంచు బర్త్ డే (నవంబర్ 23) సందర్భంగా కన్నప్ప నుంచి క్రేజీ అప్‌డేట్‌ను ఇవ్వబోతున్నట్లుగా అధికారికంగా ప్రకటించారు. భారతీయ కాలమాన ప్రకారం నవంబర్ 23న ఉదయం 2.45 గం.లకు, న్యూజిలాండ్‌లో 10.15గం.లకు అప్డేట్ రాబోతున్నట్టుగా ట్వీట్ వేశారు. ఇక ఈ అప్డేట్ తరువాత సినిమా మీద మరింతగా అంచనాలు పెరుగుతాయనేలా అప్పుడే టాక్ మొదలైంది. శివ భక్తుడైన కన్నప్ప జీవిత చరిత్ర చుట్టూ ఈ సినిమా కథ తిరుగుతుంది. అతని భక్తిని, ఆయన భక్తికి ఉన్న శక్తిని ఇప్పటికీ అందరూ తలుచుకుంటారు. శ్రీకాళహస్తిలోని గుడిలో ఈ చిత్రాన్ని లాంఛనంగా ప్రారంభించిన సంగతి తెలిసిందే.
24 ఫ్రేమ్స్ ఫ్యాక్టరీ, అవా ఎంటర్‌టైన్‌మెంట్ బ్యానర్‌లపై ఈ చిత్రాన్ని భారీ ఎత్తున నిర్మిస్తున్నారు. మహాభారతం సీరియల్ తీసిన ముకేష్ కుమార్ సింగ్ ఈ కన్నప్ప చిత్రాన్ని విజువల్ వండర్‌గా, సినిమా చరిత్రలో ఇదొక మైలురాయిగా నిలిచేట్టు రూపొందిస్తున్నారు. ఈ మూవీలోని విజువల్స్, యాక్షన్ సీక్వెన్స్, కథను చెప్పే విధానం, మేకింగ్ తీరు ఇలా అన్నీ కూడా ఇండియన్ సినిమా హిస్టరీలో నిలిచిపోతాయని చిత్రయూనిట్ చెబుతూ వస్తుంది.
ఇవి కూడా చదవండి:
====================
*Dil Raju: మా ఆవిడ చెప్పే వరకు తెలియదు.. మా 16 నెలల అబ్బాయికి ఆ పాట పెట్టాల్సిందే
*****************************
*Pro Kabaddi: క్రికెట్ హంగామా ముగిసింది.. ఇప్పుడిదే సీజన్.. బాలయ్య తొడగొట్టేశాడు
*****************************
*Allu Aravind: వ్యక్తుల్ని కాదు.. వ్యవస్థని ఖండిస్తూ తీసిన సినిమా ఇది
*********************************