Mrunal and Samantha: సీత, శకుంతల సంభాషణకు నెటిజన్లు ఫిదా!

ABN , First Publish Date - 2023-04-12T14:20:27+05:30 IST

సమంత, మృణాల్ ఠాకూర్ సరదాగా ట్విట్టర్‌లో సంభాషించారు. ఏమని వారు ట్వీట్స్ చేసుకున్నారంటే..

Mrunal and Samantha: సీత, శకుంతల సంభాషణకు నెటిజన్లు ఫిదా!

Samantha and Mrunal Thakur

‘సీతారామం’ (Sita Ramam)తో తెలుగు ప్రేక్షకులను ఫిదా చేసిన బ్యూటీ మృణాల్ ఠాకూర్ (Mrunal Thakur). బాలీవుడ్‌లోనూ తనకంటూ మంచి గుర్తింపు తెచ్చుకున్న మృణాల్ సోషల్ మీడియాలో ఎప్పుడూ యాక్టివ్‌గా ఉంటుంది. తనకు సమంత (Samantha)తో కలిసి నటించాలని ఉందంటూ లేటెస్ట్‌గా ట్విట్టర్‌లో ఆస్క్ సామ్ అనే హ్యాష్ ట్యాగ్‌తో సమంతకు తన అభిప్రాయం తెలిపింది. సమంతను ఉద్దేశిస్తూ మృణాల్.. ‘‘శాకుంతలం సినిమాను ఎప్పుడెప్పుడు చూస్తానా? అనే ఆతృతతో ఉన్నాను. సామ్.. మీరు చాలామందిని ఇన్స్ స్పైర్ చేస్తున్నారు. మనిద్దరం కలిసి సినిమా ఎప్పుడు చేద్దాం (when are we working on a film together)’’ అంటూ ప్రశ్నించింది. దీనికి సమంత కూడా వెంటనే రియాక్ట్ కావడం విశేషం. ‘‘ఈ ఐడియా నాకు నచ్చింది’ #Gumraah beautiful @mrunal0801కి అభినందనలు చెబుదాం. మీరూ ఈ ఐడియాని ప్రేమించండి!!’’ అంటూ సమంత రిప్లై ఇచ్చింది. (Conversation Between Samantha and Mrunal Thakur)

మృణాల్ ప్రశ్నకు సమంత సమాధానం చెప్పడం నెటిజన్స్ ను విపరీతంగా ఆకట్టుకుంది. ఒక నెటిజన్ .. ‘వావ్ మీ ఇద్దరూ కలిసి నటిస్తే.. ’ అంటూ తన ఆనందాన్ని వ్యక్తం చేశాడు. ఇంకా చాలా మంది నెటిజన్లు.. అందమైన తారలిద్దరూ కలిసి నటిస్తే చూడాలని మాకూ ఉంది.. అంటూ కామెంట్స్ చేస్తున్నారు. అయితే సమంతకు కూడా మృణాల్‌తో నటించడం ఇష్టమే అన్నట్టుగా ఉంది. అందుకే వెంటనే రియాక్ట్ అయింది అంటున్నారు. ఈ బ్యూటీఫుల్ లేడీస్ మధ్య జరిగిన ఈ సంభాషణ ఇప్పుడు ఇంటర్నెట్‌లో వైరల్ అవుతోంది. అలాగే వీరి సంభాషణకు వచ్చిన సమాధానాలతో ఈ టాలెంటెడ్ లేడీస్ ఇద్దరూ త్వరలో ఒక సినిమా కోసం కలిసి పనిచేసే అవకాశం అయితే లేకపోలేదు. (Mrunal Thakur Tweet)

ఇక సమంత నటించిన దృశ్యకావ్యం ‘శాకుంతలం’ (Shaakuntalam) ఈ నెల 14న విడుదల కాబోతోంది. మృణాల్ ఠాకూర్ విషయానికి వస్తే.. ‘సీతారామం’ (Sita Ramam) తర్వాత మళ్లీ అలాంటి ఎఫెక్టివ్ స్టోరీ కోసం కాస్త గ్యాప్ తీసుకుంది. ఫైనల్‌గా నాని సరసన ఓ మూవీ చేస్తోంది. శౌర్యువ్ డైరెక్ట్ చేస్తోన్న ఈ మూవీ షూటింగ్ ప్రస్తుతం గోవాలో జరుగుతోంది.