Chiranjeevi: డేట్‌ మార్క్‌ చేసుకోండి..

చిరంజీవి (Chiranjeevi) హీరోగా మెహర్‌ రమేశ్‌ (Meher Ramesh) దర్శకత్వం వహిస్తున్న ‘భోళా శంకర్‌’ (Bhola Shankar) పోస్ట్‌ ప్రొడక్షన్‌ కార్యక్రమాలు శరవేగంగా జరుగుతున్నాయి. ‘షూటింగ్‌ పూర్తయింది’ అంటూ దర్శకుడు మెహర్‌ రమేశ్‌ సోషల్‌ మీడియాలో పోస్ట్‌ చేసిన ఫొటోలు వైరల్‌ అయ్యాయి. తాజాగా చిరంజీవి డబ్బింగ్‌ చెబుతున్న ఫొటోలు ట్విట్టర్‌లో పోస్ట్‌ చేశారు. ‘షూటింగ్‌ పూర్తయింది. ఇప్పుడు డబ్బింగ్‌ కూడా ఫినిష్‌ చేశా (Dubbing Completed). సినిమా రూపుదిద్దుకున్న తీరు బావుంది. అవుట్‌పుట్‌ చూశాక చాలా ఆనందంగా ఉంది. కచ్చితంగా ఇదొక మాస్‌ ఫైర్‌ (Mass Fire) ఎంటర్‌టైనర్‌గా ప్రేక్షకుల్ని ఎంతగానో ఆకట్టుకుంది. క్యాలెండర్‌లో డేట్‌ మార్క్‌ చేసుకోండి. థియేటర్‌లో కలుద్దాం’’ అని చిరంజీవి ట్వీట్‌ చేశారు. ప్రస్తుతం ఈ ట్వీట్‌ వైరల్‌ అవుతోంది.

చిరంజీవి హీరోగా మెహర్‌ రమేశ్‌ దర్శకత్వం వహిస్తున్న ఈ చిత్రంలో చిరు సరసన తమన్నా కథానాయికగా నటిస్తోంది. సోదరిగా కీర్తి సురేశ్‌ నటించింది. ఎ.కె.ఎంటర్‌టైన్‌మెంట్‌ పతాకంపై రాంబ్రహ్మం సుంకర నిర్మించిన ఈ చిత్రం ఆగస్ట్‌ 11న ప్రేక్షకుల ముందుకు రానుంది.