సోషల్‌ మీడియాతో జాగ్రత్త

‘ఇవాళ చాలా మంది యువత సోషల్‌ మీడియా మాయలో పడిపోయి, ఎడిక్ట్‌ అవుతున్నారు. టెక్నాలజీకి కట్టుబడిపోతున్నారు. ఎక్కడో ఒక బలహీనమైన క్షణంలో మాటో, తప్పు పనో చేస్తుంటారు. ఆ తప్పుల్ని క్యాప్సర్‌ చేసి బ్లాక్‌మెయిలింగ్‌ చేస్తున్నారు. ఆ తప్పులతో యువత సూసైడ్‌ వరకూ వెళుతున్నారు. అందుకే పిల్లలు, పెద్దలు జాగ్రత్తగా ఉండాలి. టెక్నాలజీని మంచి కోసం వాడుకోవాలి. తెలిసో తెలియకో ఒక తప్పు చేసినా బాధ పడుతూ కూర్చోకుండా ఒక మంచి లైఫ్‌ ఉంటుందనే ఆశతో బతకాలని దర్శకుడు సాయిరాజేశ్‌ గొప్ప సందేశం ఇచ్చాడు. రెండు మూడు రోజులు నేను ఈ సినిమా మూడ్‌లో ఉండిపోయాను’ అన్నారు మెగాస్టార్‌ చిరంజీవి. ఇటీవల విడుదలై ఘన విజయం సాధించిన ‘బేబీ’ చిత్రం మెగా కల్డ్‌ సెలబ్రేషన్స్‌లో ఆయన ముఖ్యఅతిధిగా పాల్గొన్నారు. ఈ కార్యక్రమంలో హీరోలు ఆనంద్‌ దేవరకొండ, విరాజ్‌ అశ్విన్‌, దర్శకుడు సాయి రాజేశ్‌, నిర్మాత ఎస్కేన్‌ తదితరులు పాల్గొన్నారు.