Ananya Nagalla: బాబోయ్.. భయపెట్టేస్తోన్న అనన్య.. ఆ కోరిక తీరేనా?

ABN , First Publish Date - 2023-08-04T13:42:19+05:30 IST

‘మల్లేశం’, ‘వకీల్‌సాబ్‌’ చిత్రాలతో నటిగా తనకంటూ ఓ ప్రత్యేక గుర్తింపును సొంతం చేసుకున్న నటి అనన్య నాగళ్ల. కొన్నాళ్లుగా సోషల్ మీడియాకే పరిమితమైన ఈ భామ.. గ్లామర్ ఫొటోలతో తన పరిధిని విస్తరించే పని పెట్టుకుంటోంది. తాజాగా ఆమె నటిస్తోన్న ‘తంత్ర’ మూవీ‌లోని లుక్‌ని మేకర్స్ విడుదల చేశారు.

Ananya Nagalla: బాబోయ్.. భయపెట్టేస్తోన్న అనన్య.. ఆ కోరిక తీరేనా?

Ananya Nagalla Look in Tantra

‘మల్లేశం’, ‘వకీల్‌సాబ్‌’ చిత్రాలతో నటిగా తనకంటూ ఓ ప్రత్యేక గుర్తింపును సొంతం చేసుకున్న నటి అనన్య నాగళ్ల (Ananya Nagalla). కొన్నాళ్లుగా సోషల్ మీడియాకే పరిమితమైన ఈ భామ.. గ్లామర్ ఫొటోలతో తన పరిధిని విస్తరించే పని పెట్టుకుంటోంది. అయితే ఆ గ్లామర్‌కు సరిపడా అవకాశాలైతే ఆమెకు అంతగా రావడం లేదు కానీ.. ఓ మోస్తరుగా ఆమె రాణిస్తోందనే చెప్పాలి. సోలోగా హిట్ కొట్టేందుకు ఆమె ఎంతగానో ప్రయత్నిస్తుంది కానీ.. అది వర్కవుట్ కావడం లేదు. ఇప్పుడామె ప్రధాన పాత్రలో నటిస్తోన్న చిత్రం ‘తంత్ర’ (Tantra). హారర్‌ థ్రిల్లర్‌గా రూపొందుతున్న ఈ చిత్రం పోస్టర్‌ను నిర్మాణ సంస్థ తాజాగా విడుదల చేసింది. ఈ పోస్టర్ ప్రస్తుతం వైరల్ అవుతోంది. ఈ పోస్టర్ చూస్తుంటే ఈసారి ఆమె కోరిక తీరేలానే ఉంది.

ఈ పోస్టర్‌లో భయంకరమైన క్షుద్రశక్తులు అనన్యని పీడిస్తున్నట్టుగా అర్థమవుతోంది. ‘మగధీర’లో షేర్‌ఖాన్‌‌ వంటి పాత్రతో పాటు.. వెండితెరపై ఎన్నో వైవిధ్యమైన పాత్రలతో మెప్పించిన దివంగత నటుడు శ్రీహరి తమ్ముడి కొడుకు ధనుష్‌ (Dhanush) ఈ చిత్రంతో హీరోగా పరిచయమవుతున్నాడు. మరో కీలక పాత్రలో ‘మర్యాదరామన్న’ (Maryada Ramanna) ఫేం సలోని (Saloni) ఈ సినిమా ద్వారా రీఎంట్రీ ఇస్తోంది.

భారతీయ తంత్ర శాస్త్రానికి చెందిన విస్తు గొలిపే రహస్యాలు ఈ మూవీ ద్వారా చెప్పబోతున్నట్లు చిత్ర బృందం పేర్కొంది. ఫస్ట్‌ కాపీ మూవీస్‌, బి ద వే ఫిల్మ్స్‌, వి ఫిల్మ్‌ ఫ్యాక్టరీ సంస్థలు సంయుక్తంగా నిర్మిస్తున్న ఈ చిత్రంతో శ్రీనివాస్‌ గోపిశెట్టి (Srinivas Gopisetti) అనే కొత్త దర్శకుడు ఇండస్ట్రీకి పరిచయం అవుతున్నాడు. ‘ఫిమేల్ ఓరియెంటెడ్‌ లైన్‌తో రూపొందుతున్న హారర్‌ ఎంటర్‌టైనర్‌ ఇది. భారతీయ తాంత్రిక శాస్త్రం, పురాణగాధల నేపథ్యంలో ఆద్యంతం ఉత్కంఠగా సాగుతుంది” అని దర్శకనిర్మాతలు తెలిపారు.