Adipurush: సెన్సార్ పూర్తి.. ఏం సర్టిఫికేట్ వచ్చిందో తెలుసా?

శ్రీరాముడిగా గ్లోబల్ స్టార్ ప్రభాస్ (Global Star Prabhas) నటించిన ‘ఆదిపురుష్‌’ (Adipurush) చిత్రం సెన్సార్ కార్యక్రమాలు పూర్తి చేసుకుని.. విడుదలకు మరింత చేరువైంది. ఈ సినిమా జూన్ 16న ప్రపంచవ్యాప్తంగా థియేటర్లలో విడుదలకానుందనే విషయం తెలిసిందే. ఈ సినిమాకు సంబంధించి విడుదలైన మొదటి ట్రైలర్, మొన్న తిరుపతి (Tirupati)లో జరిగిన ప్రీ రిలీజ్ వేడుక.. సినిమాపై భారీగా పాజిటివ్ వైబ్స్‌ని క్రియేట్ చేశాయి. ప్రస్తుతం ప్రపంచవ్యాప్తంగా ఈ సినిమా కోసం ఫ్యాన్స్ వేచి చూస్తున్నారు. ప్రభాస్ నటించిన సినిమా కావడం, ఆయన నుంచి సినిమా వచ్చి చాలా కాలం కావడంతో.. ఇది ఏ తరహా చిత్రమనేది కూడా ఫ్యాన్స్ పట్టించుకోవడం లేదు. థియేటర్స్‌లో బొమ్మ పడితే చాలు అన్నట్లుగా క్రేజ్ పెరిగిపోయింది. సెన్సార్ బోర్డు నుండి ఈ సినిమాకు క్లీన్ ‘యు’ సర్టిఫికేట్ రావడంతో.. ఇప్పుడిది అందరి సినిమాగా మారిపోయింది.

ట్రైలర్ మరియు పాటలను బట్టి చూస్తే.. ప్రభాస్ మరియు కృతి సనన్ (Kriti Sanon) నటించిన ఈ చిత్రం కేవలం వినోదం కోసం రూపొందించబడలేదనేది అర్థమవుతోంది. భారతీయ పురాణాలలోని చాలా ముఖ్యమైన అంశం గురించి యువతరాలకు తెలియజేయడానికి ‘ఆదిపురుష్’ (Adipurush) వస్తున్నాడనేలా నిర్వహిస్తున్న ప్రచార కార్యక్రమాలన్నీ.. సినిమాపై అంచనాలను పెంచేస్తున్నాయి. వాస్తవానికి ఈ చిత్రానికి సంబంధించి మొదటి టీజర్ విడుదలైనప్పుడు అంతా పెదవి విరిచారు. ఇదేం సినిమా అంటూ ఓం రౌత్‌ (Director Om Raut)ని ఓ ఆట ఆడేసుకున్నారు. ఆ తర్వాత మళ్లీ విఎఫ్‌ఎక్స్ విషయంలో యూనిట్ వర్క్ చేయక తప్పలేదు. ఆ వర్క్ తర్వాత వచ్చిన ట్రైలర్‌తో మెప్పించినా.. ప్రీ రిలీజ్ వేడుకలో విడుదల చేసిన ఫైనల్ ట్రైలర్‌లో కొన్ని షాట్స్.. మరోసారి యానిమేషన్ సినిమానే తలపించాయి. అయినా కూడా.. ఈ సినిమా అన్ని ఏరియాల్లో హాట్ కేక్‌లా బిజినెస్ చేయడం విశేషం. (Adipurush Censor Details)

ఇక సెన్సార్ నుంచి క్లీన్ యు సర్టిఫికేట్ (U-Certificate) రావడంతో యూనిట్ అంతా చాలా హ్యాపీగా ఉంది. అధికారికంగా ఇది ప్రతి భారతీయుడికి చెందిన సినిమా (Prathi Bharatheeyudi Cinema)గా సెన్సార్ వారు సర్టిఫికేట్ ఇచ్చేసినట్లుగా వారు భావిస్తున్నారు. కాగా.. ఓం రౌత్ దర్శకత్వం వహించిన ఈ ఆదిపురుష్ చిత్రాన్ని.. టి-సిరీస్ భూషణ్ కుమార్ & క్రిషన్ కుమార్, ఓం రౌత్, ప్రసాద్ సుతార్ మరియు రెట్రోఫిల్స్‌కు చెందిన రాజేష్ నాయర్.. అలాగే యువి క్రియేషన్స్‌కు చెందిన ప్రమోద్, వంశీలు నిర్మించారు. ఈ సినిమాని పీపుల్ మీడియా సంస్థ తెలుగులో విడుదల చేయనుంది.

ఇవి కూడా చదవండి:

************************************************

*Bhagavanth Kesari: జూన్ 10న బాలయ్య ఫ్యాన్స్‌కి మాస్ ట్రీట్.. ఇక్కడా 108కి లింక్!

*Sharwanand: రిసెప్షన్‌కు తెలంగాణ సీఎం కేసీఆర్‌ను ఆహ్వానించిన శర్వా..

*Adipurush: తిరుమలలో ‘ఆదిపురుష్’ డైరెక్టర్, హీరోయిన్‌ల వ్యవహారంపై కేసు

*Adipurush: దళితులకు ప్రవేశం లేదు.. ఫేక్ పోస్టర్ హల్‌చల్.. స్పందించిన మూవీ టీమ్

*Gandheevadhari Arjuna: వరుణ్ తేజ్ సినిమాకు రిలీజ్ డేట్ ఫిక్సయింది