Dheera: యూత్ ఆడియన్స్కి కిక్కిస్తోన్న ప్రేమ పాట
ABN , First Publish Date - 2023-02-15T19:00:16+05:30 IST
కొన్ని పాటలు ఎప్పటికీ గుర్తుంటాయి.. అందులో ప్రేమ పాటల స్థానమే వేరు. అలాంటి పాటే ఇప్పుడు ‘ధీర’ (Dheera) చిత్రం నుంచి విడుదలైంది. యంగ్ హీరో
![Dheera: యూత్ ఆడియన్స్కి కిక్కిస్తోన్న ప్రేమ పాట](https://media.chitrajyothy.com/media/2023/20230211/Laksh_2cdb06e3d0.jpg)
కొన్ని పాటలు ఎప్పటికీ గుర్తుంటాయి.. అందులో ప్రేమ పాటల స్థానమే వేరు. అలాంటి పాటే ఇప్పుడు ‘ధీర’ (Dheera) చిత్రం నుంచి విడుదలైంది. యంగ్ హీరో లక్ష్ చదలవాడ (Laksh Chadalavada) హీరోగా నటించిన ఈ చిత్రంలోని ‘అదరం మధురం’ (Adharam Madhuram Song) అంటూ వాలెంటైన్స్ డే (Valentine's Day) స్పెషల్గా విడుదలైన ఈ పాట సంగీత ప్రియులని ఆకట్టుకుంటోంది. ప్రేయసి ఆలోచనలు, జ్ఞాపకాలతో ప్రియుడు తనలోని గాఢమైన ప్రేమను వ్యక్తపరుస్తున్నట్లుగా.. బాలాజీ (Balaji) ఈ పాటకు లిరిక్స్ అందించారు. అనురాగ్ కులకర్ణి, ML శృతి ఆలపించిన తీరు ఎంతో ఆకర్షిస్తోంది. హీరోహీరోయిన్లపై షూట్ చేసిన సన్నివేశాలు, రొమాంటిక్ మూమెంట్స్, హీరో లక్ష్ చదలవాడ డాన్స్ ఈ పాటకు మేజర్ అసెట్స్ అని చెప్పుకోవచ్చు. లిరిక్స్కి తగ్గట్టుగా సాయి కార్తీక్ (Sai Kartheek) కట్టిన బాణీలు ఈ సాంగ్ని మరో లెవల్కి తీసుకెళ్లాయి. మొత్తంగా వాలెంటైన్స్ డే కి పర్ఫెక్ట్ సాంగ్ అనేలా ఈ పాట సాగింది.
హీరో లక్ష్ చదలవాడ విషయానికి వస్తే.. కెరీర్ ఆరంభం నుంచి వైవిధ్యభరితమైన కథలను ఎంచుకుంటూ హీరోగా తనకంటూ ఓ ప్రత్యేక గుర్తింపును ఆయన సంపాదించుకున్నారు. రీసెంట్ ఆయన నటించిన ‘వలయం’, ‘గ్యాంగ్స్టర్ గంగరాజు’ సినిమాలు మంచి విజయాన్ని అందుకోగా.. ఇప్పుడు ‘ధీర’ అనే డిఫరెంట్ కాన్సెప్ట్ యూత్ ఫుల్ యాక్షన్ అండ్ లవ్ ఎంటర్టైనర్తో మరోసారి ప్రేక్షకులను అలరించేందుకు ఆయన సిద్ధమవుతున్నాడు.
ఈ చిత్రం విక్రాంత్ శ్రీనివాస్ (Vikranth Srinivas) దర్శకత్వంలో తెరకెక్కుతుండగా.. చదలవాడ బ్రదర్స్ (Chadalavada Brothers) సమర్పణలో శ్రీ తిరుమల తిరుపతి వెంకటేశ్వర (Sri Tirumala Tirupati Venkateswara) బ్యానర్పై పద్మావతి చదలవాడ (Padmavati Chadalavada) నిర్మిస్తున్నారు. ప్రస్తుతం ఈ చిత్ర షూటింగ్ చివరి దశలో ఉందని, త్వరలోనే ఈ సినిమాను రిలీజ్ చేయనున్నాం అని మేకర్స్ తెలిపారు. ఈ సినిమాకు సంబంధించి ఇప్పటివరకు వచ్చిన అన్ని అప్డేట్స్కు మంచి స్పందన వచ్చిందని.. సినిమా విజయంపై ఎంతో నమ్మకంగా ఉన్నామని దర్శకనిర్మాతలు పేర్కొన్నారు. (Adharam Madhuram Song In Dheera Movie)