Animal first look: 2023ని ఏలేస్తానంటున్న రణ్‌బీర్ కపూర్.. ‘అర్జున్ రెడ్డి’ని మించిపోయేలా ఉందిగా..

ఈ ఏడాది దేశవ్యాప్తంగా సినీ లవర్స్‌ ఎంతో ఆసక్తిగా ఎదురచూస్తున్న సినిమాల్లో ‘యానిమల్’ (Animal) ఒకటి. ‘అర్జున్ రెడ్డి’ ఫేమ్ సందీప్ రెడ్డి వంగా (Sandeep Reddy Vanga) దర్శకుడు. బాలీవుడ్ నటుడు రణ్‌బీర్ కపూర్ (Ranbir Kapoor), రష్మిక మందన్నా (Rashmika Mandanna) జంటగా నటిస్తున్నారు. క్రైమ్ థ్రిల్లర్‌గా తెరకెక్కుతున్న ఈ మూవీపై భారీ అంచనాలు ఉన్నాయి. ఈ తరుణంలో ఈ మూవీలో రణ్‌బీర్ ఫస్ట్ లుక్‌ని మేకర్స్ విడుదల చేశారు.

కొత్త సంవత్సరం సందర్భంగా నిర్మాతలు విడుదల చేసిన ఈ లుక్‌లో రణ్‌బీర్ కపూర్ చాలా మాస్‌గా ఉన్నాడు. గడ్డం, బాడీ అంత రక్తంతో, రక్తం అంటిన గొడ్డలితో ఇంతవరకు కనిపించని అవతారంలో రణ్‌బీర్ ఉన్నాడు. ఈ పోస్ట్‌కి ‘‘2023న స్వాధీనం చేసుకోవడానికి ధైర్యంతో సిద్ధంగా ఉండి! ఇది ‘యానిమల్’ సంవత్సరం’ అంటూ రాసుకొచ్చారు. అలాగే ఆ పోస్టర్‌పై ఆగస్టు 11న సినిమాని ప్రపంచవ్యాప్తంగా విడుదల చేయనున్నట్లు తెలిపారు. ఈ లుక్ ప్రస్తుతం నెట్టింట వైరల్ అవుతోంది. దీంతో ఎంతోమంది ఈ పోస్ట్‌పై కామెంట్స్ చేస్తున్నారు. ‘ఓ బాలీవుడ్‌లో గొడ్డలిలా. సూపర్’.. ‘మాస్’.. ‘కచ్చితంగా బ్లాక్ బస్టర్ అవుతుంది’ అంటూ ప్రశంసల వర్షం కురిపిస్తున్నారు.