Animal: యానిమ‌ల్ మొద‌టి ప‌ది నిమిషాలు ఫ్రీ?.. నిడివి ఎంతంటే!

బాలీవుడ్‌లో ఇప్పుడు బాగా ట్రెండింగ్‌లో ఉన్న‌దేదైనా ఉందా అంటే అది ’యానిమ‌ల్‘ (Animal The Film) సినిమా అనే చెప్పాలి. ఇప్ప‌టికే ఈ చిత్రం నుంచి విడుద‌లైన టీజ‌ర్, ట్రైల‌ర్‌, పాట‌లు ఒక‌దాన్ని మించి ఒక‌టి ప్ర‌జాద‌ర‌ణ పొంది సినిమా ఎప్పుడు థియేట‌ర్ల‌లోకి వ‌స్తుందా అని ప్ర‌జ‌లు ఎదురు చూసేలా చేసింది. ఇప్ప‌టికే ప‌ఠాన్‌, జ‌వాన్ సినిమాలు సూప‌ర్ డూప‌ర్ బ్లాక్ బ‌స్ట‌ర్ అవ‌డంతో ఇప్పుడు దేశ‌వ్యాప్తంగా ఈ సినిమాపై భారీ అంచ‌నాలు ఏర్ప‌డ్డాయి. ముఖ్యంగా సౌత్ నుంచి వ‌చ్చిన అట్లీ ద‌ర్శ‌క‌త్వంలో ఫారుఖ్‌ ఖాన్ చేసిన జ‌వాన్ లో హీరోయిజం బాగా ఎలివేట్ అయింది. దాంతో ఇప్పుడు మ‌రో సౌత్ ద‌ర్శ‌కుడు సందీప్ రెడ్డి నుంచి వ‌స్తున్న యానిమ‌ల్‌పై కూడా అదే రేంజ్‌లో ఎక్స్‌పెక్టేష‌న్స్ ఉన్నాయి.

ఇదిలా ఉండగా తెలుగులో విజ‌య్ దేవ‌ర‌కొండ హీరోగా అర్జున్ రెడ్డి చిత్రం ద్వారా ఓవ‌ర్‌నైట్ స్టార్ డైరెక్ట‌ర్‌గా పేరు తెచ్చుకున్న ద‌ర్శ‌కుడు సందీప్‌రెడ్డి వంగా అదే చిత్రాన్ని హిందీలో షాహిద్‌క‌పూర్ హీరోగా క‌బీర్ సింగ్‌గా తెర‌కెక్కించి అక్క‌డ బ్లాక్‌బ‌స్ట‌ర్ హిట్ కొట్టాడు. అనంత‌రం ఆయ‌న ర‌ణ‌బీర్ క‌పూర్ (Ranbir Kapoor), ర‌ష్మిక‌ మంద‌న్న (Rashmika Mandanna) జంట‌గా తెర‌కెక్కించిన ‘యానిమ‌ల్’ చిత్రం ఇప్పుడు విడుద‌ల‌కు సిద్ధ‌మైంది. డిసెంబ‌ర్ 1న పాన్ ఇండియా లెవ‌ల్లో హిందీ, తెలుగు, త‌మిళ,మ‌ళ‌యాళం భాష‌ల్లోనూ విడుద‌ల చేయ‌నున్నారు.

ఈక్ర‌మంలో ఇప్ప‌టికే విడుద‌లైన పాటలు, ట్రైల‌ర్ ప్రేక్ష‌కుల‌ను థ్రిల్‌కు గురి చేయ‌గా అవి ఓ అంచ‌నా వేయ‌లేకుండా సినిమాలో స‌మ్‌థింగ్ ఉంద‌నేలా ఉండ‌డంతో సినీ అభిమానుల్లో క్యూరియాసిటీని మ‌రింత పెంచాయి. అయితే సినిమా విడుద‌ల‌కు ఇంకా 25 రోజుల స‌మ‌యం ఉన్న‌ప్ప‌టికీ అప్పుడే అడ్వాన్స్ బుకింగ్స్ కూడా మొద‌లై టికెట్స్‌కు డిమాండ్ పెరిగింది. ఇటీవ‌లే తెలుగులో ఫేమ‌స్ షో అయిన బాల‌కృష్ణ అన్ స్టాప‌బుల్‌లో పాల్గొని సినిమా ప్ర‌మోష‌న్స్ కూడా చేశారు.

ఇదిలాఉండ‌గా ఇప్పుడు ఈ యానిమ‌ల్ సినిమా విష‌యంలో రెండు కీల‌క ఆప్డెట్స్ సోష‌ల్‌మీడియాలో బాగా వైర‌ల్ అవుతున్నాయి. థియేట‌ర్ల‌లో రిలీజ్‌కు ముందే సినిమాలోని మొద‌టి ప‌ది నిమిషాల‌ను విడుద‌ల చేయాల‌ని ఆ చిత్ర యూనిట్ ఆలోచిస్తున్న‌ద‌ని వార్త‌లువ‌స్తున్నాయి. అయితే గతంలో బాహుబ‌లి వంటి ఒక‌టి రెండు సినిమాలు కూడా త‌మ చిత్రంలోని మొద‌టి ప‌ది నిమిషాల‌ను సినిమా విడుద‌ల‌కు ముందే అన్‌లైన్‌లో విడుద‌ల చేశారు. ఇప్పుడు అదే ఫార్ములాను ఈ యానిమ‌ల్ చిత్ర‌ బృందం చేస్తున్నద‌ని స‌మాచారం.

ఇక సినిమా నిడివి విష‌యంలోనూ కొన్ని వార్త‌లు సామాజిక మాద్య‌మాల్లో చ‌క్క‌ర్లు కొడుతున్నాయి. సినిమా నిడివి 200 నిమిషాలు ఉంటుంద‌ని అంటే దాదాపు 3గంట‌ల 20నిమిషాలు ఉండ‌నున్న‌ట్లు వార్త‌లు వ‌స్తున్నాయి. అయితే ఈ వార్త‌లన్నింటిపై అధికారికంగా ప్ర‌క‌ట‌న రావాల్సి ఉన్న‌ప్ప‌టికీ సోష‌ల్ మీడియాలో బాగా వైర‌ల్ అవుతున్నాయి. ఇక ఈ సినిమాలో అనీల్ క‌పూర్‌, బాబీడియోల్ వంటి స్టార్స్ న‌టిస్తున్నారు. ఈ సినిమా అనంత‌రం సందీప్ రెడ్డి (Sandeep Reddy Vanga) ఐకాన్ స్టార్ అల్లు అర్జున్‌తో ఓ సినిమా చేయ‌నున్నాడు.