Vivek Agnihotri: వ్యాక్సిన్ వార్ సినిమాలో కీలక పాత్రలో ఎవరంటే..?

‘ది కశ్మీర్ ఫైల్స్’ (The Kashmir Files)కు దర్శకత్వం వహించి ఫేమ్ సంపాదించుకున్న దర్శకుడు వివేక్ అగ్నిహోత్రి (Vivek Agnihotri). ఈ చిత్రం బాక్సాఫీస్ వద్ద సంచలన విజయం సాధించింది. భారీ స్థాయి వసూళ్లను రాబట్టింది. లో బడ్జెట్‌లో రూ.15కోట్లతో మూవీని రూపొందించగా రూ.250కోట్లకు పైగా కలెక్షన్స్‌ను కొల్లగొట్టింది. ఈ నేపథ్యంలో వివేక్ నుంచి వచ్చే నెక్ట్స్ మూవీ కోసం అందరు ఆసక్తిగా ఎదురు చూస్తున్నారు.

వివేక్ అగ్నిహోత్రి కొన్ని నెలల క్రితమే కొత్త ప్రాజెక్టును ప్రకటించాడు. ‘ది వ్యాక్సిన్ వార్’ (The Vaccine War) అని టైటిల్ పెట్టాడు. రెండు వారాల క్రితమే సినిమా చిత్రీకరణ ప్రారంభమైంది. ఈ మూవీలో బాలీవుడ్ నటుడు నానా పటేకర్ (Nana Patekar) కీలక పాత్రను పోషిస్తున్నాడు. ఈ చిత్రంలో ఆయన పాత్ర సరికొత్తగా ఉంటుందట. ఈ రోల్‌ను చేయడానికి అతను కూడా ఎంతగానో కష్టపడుతున్నాడని తెలుస్తోంది. కాగాా.. ఈ మూవీలో అనుపమ్ ఖేర్ కూడా ఓ ముఖ్యమైన పాత్ర చేస్తున్నారు. దీని గురించి సోషల్ మీడియా పోస్ట్ ద్వారా ఆయనే కన్‌ఫార్మ్ చేశారు. ఇది ఆయనకి 534వ చిత్రం. కాగా.. ఈ సినిమాలో వివేక్ భార్య పల్లవి జోషితో పాటు గోపాల్ సింగ్, దివ్య సేథ్ తదితరులు కీలక పాత్రలు పోషిస్తున్నారు. ఈ మూవీ చిత్రీకరణ ప్రస్తుతం లక్నోలో జరుగుతున్నట్టు సమాచారం. కోవిడ్‌తో ఇండియా ఏ విధంగా పోరాటం చేసిందనేది ఈ చిత్రంలో చూపించనున్నారట. స్వాతంత్ర్య దినోత్సవం కానుకగా ఈ సినిమా విడుదల కానుంది.