Salman Khan: బాలీవుడ్ హీరోకు బెదిరింపులు రావడంతో భద్రత పెంపు
ABN , First Publish Date - 2023-03-20T16:19:19+05:30 IST
బాలీవుడ్ స్టార్ హీరోల్లో సల్మాన్ ఖాన్ (Salman Khan) ఒకరు. ఆయన నుంచి సినిమా వస్తుందంటే చాలు ట్రేడ్ వర్గాలతో పాటు అభిమానుల్లోను భారీ బజ్ ఉంటుంది. అయితే, ఓ ఆగంతకుడు తాజాగా హీరోను బెదించారు. ఈ నేపథ్యంలో పోలీసులు ఆయనకు భద్రతను పెంచారు.
బాలీవుడ్ స్టార్ హీరోల్లో సల్మాన్ ఖాన్ (Salman Khan) ఒకరు. ఆయన నుంచి సినిమా వస్తుందంటే చాలు ట్రేడ్ వర్గాలతో పాటు అభిమానుల్లోను భారీ బజ్ ఉంటుంది. అయితే, ఓ ఆగంతకుడు తాజాగా హీరోను బెదించారు. ఈ నేపథ్యంలో పోలీసులు ఆయనకు భద్రతను పెంచారు. ఈ ఘటనపై బాలీవుడ్ భాయ్‌జాన్ సన్నిహితులు ముంబైలోని బాంద్రా పోలీసులుకు ఫిర్యాదు చేశారు. లారెన్స్ బిష్ణోయ్, గొల్డీ బ్రార్, ఆగంతకుడిపై పలు సెక్షన్స్ కింద పోలీసులు కేసును నమోదు చేశారు. రోహిత్ గార్గ్ అనే వ్యక్తి సల్మాన్ ఖాన్‌ను బెదిరించినట్టు తెలుస్తోంది. ఆయనను చంపుతామని ఆఫీసుకు ఇమెయిల్ పంపించినట్టు సమాచారం అందుతుంది.
రోహిత్ గార్గ్ (Rohit Garg) అనే వ్యక్తి సల్మాన్ ఖాన్ కార్యాలయానికి ఇమెయిల్‌ను పంపించారు. కెనడియన్ గ్యాంగ్‌స్టర్ గొల్డీ బ్రార్ (Goldy Brar) వ్యక్తిగతంగా మిమ్మల్ని కలవాలనుకుంటున్నారని చెప్పారు. ఆగంతకుడి నుంచి మెయిల్ రావడంతోనే పోలీసులు సల్మాన్ భద్రతను కట్టుదిట్టం చేశారు. సల్మాన్ ఖాన్‌ను చంపడం తన జీవిత లక్ష్యమని లారెన్స్ బిష్ణోయ్ కొన్ని రోజుల క్రితమే తెలిపారు. ‘‘మా సమాజం ఆయనపై కోపంతో ఉంది. మమ్మల్ని ఘోరంగా అవమానించారు. సల్మాన్ ఖాన్‌కు వ్యతిరేకంగా కేసు నమోదైంది. అయినప్పటికి ఆయన క్షమించమని అడగలేదు. పరిణామాలను ఎదుర్కొవడానికి ఆయన సిద్ధంగా ఉండాలి. ఆయన ఈగోను త్వరలోనే చంపేస్తాం. మా ఆలయానికి సల్మాన్ వచ్చి క్షమించమనాలి. మా సమాజం క్షమిస్తే నేను ఏ విషయాల గురించి మాట్లాడను’’ అని లారెన్స్ బిష్ణోయ్ చెప్పారు. సల్మాన్ ఖాన్ కొన్నేళ్ల క్రితం కృష్ణ జింకను వేటాడనే ఆరోపణలున్నాయి. అప్పటి నుంచి బిష్ణోయ్ సమాజం ఆయనను చంపడానికి ప్రణాళికలు రచిస్తుంది.
సల్మాన్ ఖాన్ తాజాగా ‘కిసీ కా భాయ్, కిసీ కి జాన్’ (Kisi Ka Bhai Kisi Ki Jaan) సినిమా చేశారు. ఈ చిత్రంలో పూజా హెగ్డే హీరోయిన్‌గా చేశారు. వెంకటేశ్, భూమిక, జగపతి బాబు తదితరులు కీలక పాత్రలు పోషించారు. రామ్ చరణ్ అతిథి పాత్రలో మెరవనున్నారు. ఈ మూవీ త్వరలోనే విడుదల కానుంది.
^^^^^^^^^^^^^^^^^^^^^
ఇవి కూడా చదవండి:
Suriya: ముంబైలో లగ్జరీ ఫ్లాట్ కొనుగోలు చేసిన సూర్య.. ధర వింటే షాకే..
Naatu Naatu: పాటపై సంచలన కామెంట్స్ చేసిన కీరవాణి తండ్రి శివశక్తి దత్తా
Oscars 2023: షాక్.. ఆస్కార్ వేడుకకు ఫ్రీ పాస్‌లు లేకపోవడంతో.. ‘ఆర్ఆర్ఆర్’ టీమ్ భారీ ఖర్చు..
RRR: రామ్ చరణ్, తారక్ అందువల్లే ఆస్కార్ స్టేజ్‌పై డ్యాన్స్ చేయలేదు!
Allu Arjun: హీరోయిన్‌ను సోషల్ మీడియాలో బ్లాక్ చేసిన బన్నీ!
Pawan Kalyan: నా రెమ్యునరేషన్ రోజుకు రెండు కోట్లు
Ram Charan: మెగా పవర్ స్టార్ హాలీవుడ్ సినిమా