Namrata Shirodkar: బోరాబే లాంచ్‌లో సందడి చేసిన నమ్రతా శిరోద్కర్

సూపర్ స్టార్ మహేష్ బాబు భార్య నమ్రత శిరోద్కర్ (Namrata Shirodkar) ‘బోరాబే’ (BORABAY) సెలూన్ లాంచ్ కార్యక్రమంలో సందడి చేశారు. విజ్ఞాన శాస్త్రం మరియు ప్రకృతి యొక్క సహజసిద్ధమైన లక్షణాల చక్కటి సమ్మేళనంతో తీర్చిదిద్దబడిన బొరాబే సెలూన్‌‌ను దివ్యారెడ్డి (Divya Reddy), తెలంగాణ ప్రిన్సిపల్ సెక్రటరీ జయేష్ రంజన్‌ (Jayesh Ranjan)తో కలిసి నమ్రతా శిరోద్కర్ ఆవిష్కరించారు. హైదరాబాద్, నానక్ రామ్ గూడ కార్పోరేట్ కోర్ట్ బిల్డింగ్ నందు జరిగిన ఈ కార్యక్రమంలో నమ్రత మాట్లాడుతూ.. నిపుణుల బృందంతో బోరాబే అందిస్తున్న విసృత క్రేణి హెయిర్‌ స్టైల్‌ సేవలు, బ్యూటీ ట్రీట్‌మెంట్స్‌ మరియు కాస్మెటిక్‌ చికిత్సలను అందరూ వినియోగించుకోవాలని కోరారు.

బోరాబే విషయానికి వస్తే.. యుఎస్‌ఏలో వైద్య శాస్త్రంలో 20 ప్లస్ సంవత్సరాలకు పైగా అనుభవం కలిగిన డాక్టర్ అను కల్రేజా (Anu Karjela) మానసిక పుత్రిక బోరాబే. ప్రపంచవ్యాప్తంగా జరుగుతున్న కాస్మెటిక్‌ చికిత్సలను లోతుగా పరిశీలించిన ఆమె.. అత్యుత్తమ సెలూన్ అనుభవాలను భారతీయ మార్కెట్‌కు తన నూతన వెంచర్‌ ద్వారా అందించాలనే లక్ష్యంగా పెట్టుకున్నట్లుగా చెప్పుకొచ్చారు. అందం వెనుక దాగిన రహస్యాన్ని అర్థం చేసుకున్న నిపుణుల బృందంతో ఇక్కడ అత్యుత్తమ ట్రీట్‌మెంట్ చేయటం జరుగుతుందని ఆమె వెల్లడించారు.