Waltair Veerayya: చిరంజీవి, శ్రీదేవి సింగిల్‌ రిలీజ్‌కు డేట్ ఫిక్స్

మెగాస్టార్ చిరంజీవి (Megastar Chiranjeevi), దర్శకుడు బాబీ కొల్లి (Bobby Kolli) (కెఎస్ రవీంద్ర)ల క్రేజీ కాంబినేషన్‌లో తెరకెక్కుతోన్న మెగా మాస్ యాక్షన్ ఎంటర్‌టైనర్ ‘వాల్తేరు వీరయ్య’ (Waltair Veerayya). రాబోయే సంక్రాంతికి ప్రేక్షకులకు థియేటర్లలో పూనకాలు తెప్పించడానికి ఈ వీరయ్య సిద్ధమవుతోన్న విషయం తెలిసిందే. ఇప్పటికే విడుదలైన ఈ సినిమా ప్రమోషనల్ కంటెంట్.. ట్రెమండస్ రెస్పాన్స్‌ను రాబట్టుకుంటూ.. సినిమాపై భారీగా అంచనాలను క్రియేట్ చేస్తోంది. తాజాగా విడుదలైన రవితేజ (Ravi Teja) టీజర్ ఇప్పటికీ యూట్యూబ్‌లో టాప్‌లో ట్రెండ్ అవుతోంది. అలాగే బాస్ పార్టీ (Boss Party) సాంగ్ 25 మిలియన్ల వ్యూస్‌ని క్రాస్ చేసి రీల్ మేకర్స్‌కు ఫేవరెట్‌గా మారింది. ఇక ఇప్పుడు సెకండ్ సింగిల్ టైమ్ వచ్చేసింది.

ఈ సింగిల్‌కు సంబంధించి ఇప్పటికే ‘నువ్వు శ్రీదేవి నేను చిరంజీవి’ (Nuvvu Sridevi Nenu Chiranjeevi) అంటూ చిరు లీక్ చేశారు. ఇప్పుడీ సింగిల్‌ని రిలీజ్ చేసేందుకు మేకర్స్ రెడీ అవుతున్నారు. ఈ నెల 19న సెకండ్ సింగిల్‌ని విడుదల చేస్తున్నట్టు ప్రకటించారు. ఈ విషయాన్ని తెలుపుతూ.. చిరంజీవి, శృతి హాసన్‌ల కొత్త పోస్టర్‌ను విడుదల చేశారు. శ్రుతి హాసన్‌ (Shruti Haasan), చిరంజీవికి జోడిగా చూడటం ఇదే మొదటిసారి. ఈ పోస్టర్‌లో చిరు, శృతి హాసన్‌ల కెమిస్ట్రీ అద్భుతంగా కనిపిస్తుంది. ఈ పాట కోసం దేవి శ్రీ ప్రసాద్ (Devi Sri Prasad) మరో మ్యూజికల్ ట్రీట్‌ని స్కోర్ చేశారు. చిరంజీవి లీక్ చేసిన వీడియో ద్వారా ఇప్పటికే చిన్న గ్లింప్స్ అందరినీ సర్ ప్రైజ్ చేసింది. ఈ పాటలో చిరంజీవి, శ్రీదేవిల ఐకానిక్ పెయిర్ ప్రస్తావన అభిమానులను ఎంతగానో ఆకట్టుకుంటోంది. అలాగే.. పోస్టర్‌లో మంచుతో కప్పబడిన లొకేషన్ కన్నుల పండువగా కనిపిస్తోంది. ప్రస్తుతం సినిమాకు సంబంధించి టాకీ పార్ట్ మొత్తం పూర్తయింది. చివరి పాటను ప్రస్తుతం చిరంజీవి, శృతి హాసన్‌లపై యూరప్‌లో చిత్రీకరిస్తున్నారు. సినిమాని 13 జనవరి, 2023న ప్రపంచవ్యాప్తంగా గ్రాండ్‌గా ప్రేక్షకుల ముందుకు తీసుకువచ్చేందుకు మైత్రీ మూవీ మేకర్స్ సన్నాహాలు చేస్తున్నారు.