Srikanth-Sriram: శ్రీకాంత్ శ్రీరామ్ హీరోగా సైకలాజికల్ థ్రిల్లర్ ప్రారంభం

కె.యస్.ఆర్ సమర్పణలో ఉదయ్ అండ్ రవి క్రియేషన్స్ పతాకంపై.. శ్రీకాంత్ శ్రీరామ్ (Srikanth-Sriram) హీరోగా.. హ్రితిక శ్రీనివాస్ (Hrithika Srinivas) హీరోయిన్‌గా.. కమల్ కామరాజు (Kamal Kamaraju), అజయ్ (Ajay) ఇతర పాత్రల్లో నటించనున్న ప్రొడక్షన్ నెంబర్ 1 చిత్రం.. తాజాగా హైదరాబాద్, రామానాయుడు స్టూడియోలో లాంఛనంగా ప్రారంభమైంది. సైకలాజికల్ థ్రిల్లర్‌గా తెరకెక్కనున్న ఈ చిత్రాన్ని డాక్టర్ రవికిరణ్ గాడలే (Dr Ravi Kiran Gadaly) దర్శకత్వంలో.. డాక్టర్ ఉదయ్ కె. రెడ్డి పాల్వాయ్, డాక్టర్ శ్రీధర్ రెడ్డి కరెడ్డి నిర్మిస్తున్నారు. ముహూర్త‌పు స‌న్నివేశానికి డైరెక్టర్ సుధీర్ వర్మ క్లాప్ కొట్టగా.. ‘జార్జిరెడ్డి’ హీరో సందీప్ మాధవ్ కెమెరా స్విచ్ ఆన్ చేశారు. దర్శకులు డాక్టర్ రవికిరణ్ గౌర‌వ ద‌ర్శ‌క‌త్వం వ‌హించారు. పూజా కార్యక్రమాల అనంతరం చిత్ర యూనిట్ ఏర్పాటు చేసిన పాత్రికేయుల సమావేశంలో...

చిత్ర దర్శకుడు డాక్టర్ రవికిరణ్ గాడలె మాట్లాడుతూ.. ఈ సినిమా కథ కొత్తగా ఉండబోతోంది. ఇలాంటి కథతో ఏ సినిమా రాలేదు. పోస్ట్ ట్రూమాటిక్ స్ట్రెస్ డిసార్డర్ (Post-traumatic stress disorder) కాన్సెప్ట్‌తో.. సైకలాజికల్ థ్రిల్లర్‌గా ఈ చిత్రం ఉంటుంది. జనవరి 2 నుంచి రెగ్యులర్ షూటింగ్ ప్రారంభిస్తామని చెప్పగా.. హీరో శ్రీకాంత్-శ్రీరామ్ మాట్లాడుతూ.. డిఫరెంట్ కాన్సెప్ట్‌తో తెరకెక్కుతున్న ఈ మూవీ అన్ని వర్గాల ప్రేక్షకులకు కనెక్ట్ అవుతోందని నమ్ముతున్నాను. డైరెక్టర్ డాక్టర్ రవికిరణ్ తీసిన ఇండిపెండెంట్ చిత్రం ‘ది రాంగ్ స్వైప్’ చాలా బాగుంది. అలాగే ఈ చిత్ర కథ కూడా ఎంతో ఎగ్జయిటింగ్‌గా అనిపించింది. వెంటనే ఓకే చేశాను. యంగ్ టీమ్ కలిసి చేస్తున్న ఈ సినిమా గురించి మరిన్ని విశేషాలు త్వరలో తెలియజేస్తాం. త్వరలో ఈ చిత్ర టైటిల్ మరియు ఫస్ట్ లుక్ విడుదల చేయనున్నామని తెలిపారు. నటనకు మంచి స్కోప్ ఉన్న రోల్ ఇందులో చేస్తున్నట్లుగా కమల్ కామరాజు, హీరోయిన్ హ్రితిక శ్రీనివాస్ పేర్కొన్నారు.