Pushpa2: ఆ కారణంతోనే టీజర్ వాయిదా!

అల్లు అర్జున్ హీరోగా నటించిన చిత్రం ‘పుష్ప: ది రైజ్’ (Pushpa: The Rise). లెక్కల మాస్టారు సుకుమార్ తెరకెక్కించాడు. మైత్రీ మూవీ మేకర్స్ భారీ బడ్జెట్‌తో పాన్ ఇండియాగా రూపొందించింది. ఈ చిత్రం గతేడాది డిసెంబర్ 17న విడుదలైంది. బాక్సాఫీస్ వద్ద బారీ స్థాయి వసూళ్లను రాబట్టింది. వరల్డ్ వైడ్‌గా రూ.300కోట్లకు పైగా కలెక్షన్స్‌ను కొల్లగొట్టింది. బాలీవుడ్‌లో అయితే ఈ చిత్రం ఏకంగా రూ.100కోట్ల వసూళ్లను సాధించింది. ఈ ప్రాజెక్టును అనుకున్నప్పుడు రెండు భాగాలు లేవు. కథ పరిధి ఎక్కువగా ఉండటంతో రెండో భాగాన్ని తీయాలని షూటింగ్ మధ్యలో నిర్ణయించుకున్నారు. ఫస్ట్ పార్ట్‌ అంచనాలను మించి రాణించింది. ప్రేక్షకులందరు ఫిదా అయ్యారు. ఫలితంగా రెండో భాగంపై భారీ క్రేజ్ ఏర్పడింది. ఆ అంచనాలను అందుకోవాలని ‘పుష్ప2’ స్క్రిఫ్ట్‌పై సుకుమార్ చాలా కాలం పనిచేశాడు. షూటింగ్ కూడా మొదలుపెట్టాడు. టీజర్‌ను కూడా షూట్ చేశాడు. ఒక్క గ్లింప్స్‌తోనే భారీ బజ్ తీసుకురావాలని ప్రయత్నించాడు. అవతార్‌2 సినిమాకు టీజర్‌ను అటాచ్ చేయాలని మేకర్స్ నిర్ణయించుకన్నారు. కానీ, అనివార్య కారణాల వల్ల టీజర్‌ను అటాచ్ చేయలేదు.

పుష్ప2 టీజర్ నుంచి ఒక్క డైలాగ్ లీక్ అయింది. సోషల్ మీడియాలో వైరల్ అయింది. అందువల్ల గ్లిమ్స్ కిక్ ఇవ్వదని మేకర్స్ భావించారు. అందువల్ల అవతార్2 చిత్రానికి టీజర్‌ను అటాచ్ చేయలేదు. కొత్త డైలాగ్‌తో మరో టీజర్‌ను రూపొందించే పనిలో పడ్డారు. నూతన సంవత్సరం సందర్భంగా లేదా సంక్రాంతి పండగ కానుకగా కొత్త గ్లిమ్స్‌ను మేకర్స్ విడుదల చేయాలనుకుంటున్నారని ఫిల్మ్ నగర్ వర్గాలు తెలుపుతున్నాయి. ‘పుష్ప: ది రైజ్’ లో రష్మిక మందన్నా హీరోయిన్‌గా నటించింది. ఫహద్ ఫాజిల్, అనసూయ, ధనుంజయ, సునీల్, రావు రమేష్ తదితరులు కీలక పాత్రలు పోషించారు.