Waltair Veerayya: కంటెంట్ నెక్ట్స్ లెవల్‌లో ఉంటుంది

‘వాల్తేరు వీరయ్య’ సినిమాలో చిరంజీవి, రవితేజ కాంబినేషన్‌లో వచ్చే కొన్ని సీన్లు గూస్ బంప్స్ తెప్పిస్తాయని.. అవన్నీ నెక్స్ట్ లెవల్‌లో వుంటాయని అన్నారు నిర్మాత వై రవిశంకర్ (Y Ravi Shankar). మైత్రీ మూవీ మేకర్స్ (Mythri Movie Makers) బ్యానర్‌పై చిరంజీవి (Chiranjeevi), రవితేజ (Ravi Teja) హీరోలుగా బాబీ కొల్లి (Bobby Kolli) దర్శకత్వంలో.. నవీన్ యెర్నేనితో కలిసి ఆయన నిర్మించిన చిత్రం ‘వాల్తేరు వీరయ్య’ (Waltair Veerayya). ఈ సినిమా రాబోయే సంక్రాంతి స్పెషల్‌గా 13 జనవరి 2023న విడుదల కాబోతోంది. ఈ సందర్భంగా హైదరాబాద్‌లో చిత్రయూనిట్ అంతా కలిసి మీడియా సమావేశం నిర్వహించారు. ఈ కార్యక్రమంలో..

నిర్మాత వై రవిశంకర్ మాట్లాడుతూ.. ‘‘జీవితంలో ఇదో గొప్ప అవకాశం. మెగాస్టార్ చిరంజీవిగారు వేదికపై వుండగా మాట్లాడే అవకాశం రావడం వ్యక్తిగతంగా నాకు పెద్ద విజయం. అలాగే ఈ సినిమాలో మాస్ మహారాజా రవితేజ గారిని సంప్రదించిన వెంటనే మరో ఆలోచన లేకుండా ‘అన్నయ్య సినిమా నేను చేస్తా’ అని చెప్పిన మాస్ మహారాజా రవితేజ గారికి కృతజ్ఞతలు. చిరంజీవి, రవితేజ గారి కాంబినేషన్ లో కొన్ని సీన్లు గూస్ బంప్స్ తెప్పిస్తాయి. నెక్స్ట్ లెవల్‌లో వుంటాయి. శ్రుతి హాసన్ గారు ఇందులో అద్భుతంగా కనిపిస్తారు. బాస్ పార్టీ సాంగ్‌లో చేసిన ఊర్వశి రౌతేలా కూడా చక్కగా వుంది. ఇందులో ప్రకాష్ రాజ్, రాజేంద్రప్రసాద్, నాజర్..లాంటి పెద్ద కాస్టింగ్ వుంది. బాబీ‌గారు బెస్ట్ టీం సెలెక్ట్ చేసుకున్నారు. సంక్రాంతి (Sankranthi) లాంటి పండక్కి ఎక్కడా రాజీ పడకుండా అద్భుతమైన గొప్ప సినిమా ఇచ్చినందుకు దర్శకుడు బాబీ గారికి చాలా థాంక్స్. ప్రకాష్‌గారు అద్భుతమైన సెట్స్ వేశారు. విల్సన్ గారు, శేఖర్ మాస్టర్, రామ్ లక్ష్మణ్ మాస్టర్ అందరూ అద్భుతంగా చేశారు. దేవిశ్రీ ప్రసాద్ (Devi Sri Prasad) ఈ చిత్రానికి నాలుగో పిల్లర్. మైత్రీ విజయంలో దేవిశ్రీ ఒక మెయిన్ పిల్లర్. మా సినిమాలన్నిటికీ అద్భుతమైన మ్యూజిక్ ఇచ్చారు. ఈ సినిమాలో పని చేసిన అందరికీ పేరుపేరున కృతజ్ఞతలు. మాస్ మహారాజా గారి ధమాకా చిత్రం బ్లాక్ బస్టర్ విజయం అవ్వడం మాకు ఎంతో సంతోషంగా వుంది. ‘వాల్తేరు వీరయ్య’లో ఆయన విశ్వరూపం చూస్తారు. ‘ఇంద్ర’ (Indra) సినిమా పాటలకి ఎంత పెద్ద పేరు వచ్చిందో.. ఆ పాటల రిక్రియేషనే మా ‘వాల్తేరు వీరయ్య’. ‘గ్యాంగ్ లీడర్’ (Gang Leader) సినిమాలో చిరంజీవి గారు ఎంత అందంగా వున్నారో దానికి రెండు రెట్ల అందంగా ‘వాల్తేరు వీరయ్య’లో వున్నారు. వాల్తేరు వీరయ్య కంటెంట్ ఎక్స్‌ట్రార్డీనరీ‌గా వుంటుంది’’ అన్నారు.