Nayanthara: ఎన్టీఆర్.. సింగిల్ టేక్ ఆర్టిస్ట్

టాలీవుడ్ టాప్ హీరోల్లో జూనియర్ ఎన్టీఆర్ (Junior NTR) ఒకరు. ప్రేక్షకుల్లో అతడికి విపరీతమైన ఫ్యాన్ ఫాలోయింగ్ ఉంది. డైలాగ్స్‌ను ఏకధాటిగా చెప్పడంలో తారక్‌కు ఎవరు సాటిరారు. సామాన్యులతో పాటు సెలబ్రిటీలు కూడా తారక్ నటనకు అభిమానులే. జూనియర్ ఎన్టీఆర్ తన కెరీర్‌లో ఎంతో మంది హీరోయిన్స్‌తో నటించాడు. తారక్‌పై తాజాగా టాప్ హీరోయిన్ నయనతార ప్రశంసల వర్షం కురిపించింది. సింగిల్ టేక్ ఆర్టిస్ట్ అని కొనియాడింది. ‘‘తారక్ రిహార్సల్స్ చేస్తుండగా నేను ఎప్పుడు చూడలేదు. నాకు తెలిసినంత వరకు రిహార్సల్స్ చేయని ఏకైక హీరో జూనియర్ ఎన్టీఆరే. ప్రస్తుతం అతడు రిహార్సల్స్ చేస్తున్నాడో లేదో నాకు తెలియదు. కానీ, అప్పట్లో మాత్రం ఎన్టీఆర్ కొన్ని స్టెప్స్, డైలాగ్స్ వెంటనే చేసేవాడు’’ అని నయన్ చెప్పింది.

నయనతార (Nayanthara) తాజాగా కనెక్ట్ (Connect) సినిమాలో నటించింది. అశ్విన్ శరవణన్ (Ashwin Saravanan) దర్శకత్వం వహించాడు. రౌడీ పిక్చర్ బ్యానర్‌పై విఘ్నేశ్ శివన్ నిర్మించాడు. ఈ చిత్రం ప్రపంచవ్యాప్తంగా డిసెంబర్ 22న విడుదల కానుంది. ఈ నేపథ్యంలో నయన్ చాలా ఏళ్ల తర్వాత ప్రమోషన్స్‌లో పాల్గొంటుంది. అందులో భాగంగానే జూనియర్ ఎన్టీఆర్‌ను ప్రశంసించింది. కనెక్ట్ సినిమాను విరామం లేకుండా ప్రేక్షకుల ముందుకు తీసుకురానున్నారు. నయనతార చివరగా ‘గాడ్‌ఫాదర్’ (Godfather) లో నటించింది. చిరంజీవి చెల్లెలి పాత్రలో కనిపించింది. ఈ సినిమాలో ఆమె నటనకు అభిమానుల మెప్పుతో పాటు విమర్శకుల ప్రశంసలు లభించాయి. ఇక తారక్ కెరీర్ విషయానికి వస్తే.. చివరగా ‘ఆర్ఆర్ఆర్’ (RRR) లో నటించాడు. కొమరం భీమ్ పాత్రతో ప్రేక్షకులను మెస్మరైజ్ చేశాడు. ఈ చిత్రంలో అతడి నటనకు అందరు ఫిదా అయ్యారు. ఇంటర్నేషనల్ అవార్డ్స్‌లోను ఈ మూవీ సత్తా చాటుతుంది. ఇప్పటికే రెండు గోల్డెన్ గ్లోబ్ నామినేషన్స్‌ను సాధించింది. ఆస్కార్ బరిలోను ‘ఆర్ఆర్ఆర్’ నిలిచింది.